Eguberri on!!

Gabonetan murgilduta gaude bete betean eta hemendik ere denoi eguberri zoriontsuak opa nahi dizkizuegu. Egun hauetan familiarekin egon, asko jan eta opariak jasoko ditugu. Eta gure taldera ere Papa Noel jator hau etorri da, opari hauek utzi dituelarik:

Enekorentzat: Pipermin pixkat, bizitasuna hartzeko

Jon Arregiri: McDonalds-eko Big Mac horietako bat, gorputz horretan kaloriak barra barra sartzeko

Jabi: Erloju bat, entrenatzera garaiz iristeko

Sergio: Txiribitonen zapatak, beste guztiak txiki geratzen zaizkio eta.

Markel: Gimnasioetako makina bat. Pektoralak lantzeko

Unzalu: Etxetik gehiago pasatzen den hirugarren anai bat

Goros: Gol bat, mesedez, gol bat asko eskatzea ez bada ere!

Igor: Ganorazko neskalagun bat

Iñigo: Koltxoi bat, mantarekin batera bankilloan eroso egon eta lo kuluxka bat botatzeko

Ezeiza: Txubaskero bat, besteena pakean uzteko

Ipintza: Muelle batzuk, gorago iristeko

Oier: Eskailera bat, baloi altuetara iristeko

Beñat: 10 litroko txanpu bote bat, dutxetan haspertu ez dadin

Aitor: Agenda bat, esaten dizkiogun gauzak ez ahazteko

Ander: Txiste liburu bat, barre egiteari ez uzteko

Goiko: Gurpilak dituen motxila horietako bat, daukanak gehiegi pisatzen du eta

Arruti: Bastoi bat, lurrera hainbeste erori ez dadin

Iñaki: Belarritako berri bat, Drenthek galdu zuena adibidez

Christian: Un dizionario castellano-vascuenze

Xabi Artano: Tokatuko den loteria zenbaki bat, hainbeste lan egin ez dezan

Iker Martin: La décima en el Bernabeu

eta Gorkarentzat beste neskalagun bat, baina Igorrena baino hobea mesedez!!!

Eguberrion zoriontsuak denoi eta urte berri on!!!!

Galdakaoko Txapelketa

Aurten ere, bigarren urtez jarraian eta aurreko urtean emandako irudi onari esker Galdakaoko Txapelketara gonbidatu gaituzte. Txapelketa hau Abenduak 28, 29 eta 30ean jokatuko da (batez ere 28an) baina txapelketara joan baino lehen direktibak gurasoekin bilera bat egin nahi du guztia ondo zehazteko.

Bileraren behin behineko eguna eta ordua datorren asteartea Abenduak 22 arratsaldeko 19:00tan Kultur etxean izan daiteke. Baina konfirmatzeko, zuen gurasoak (aita edo ama) joan daitezkeen jakin beharko genuke.

Beraz hemen jarri, joan daitezkeen ala ez. Baina jarri lehen bait lehen.

Eskerrik asko!!

Euskalduna 7 Behobia 1 PUNTUAK

Betikoa, partidu on bat jokatu eta gero hautagai asko daude puntuak eramateko. Espero dugu horrelako partidu gehiago egotea puntuak denon artean banatzeko. Gaurkoan:

3 PUNTU: Beñat (Aurrelari batetzat oso garrantzitsua da golak sartzea eta berak gaur bi egin ditu 20 minututan. Ez dago batere gaizki)

2 PUNTU: Ezeiza (Lehenengo bi golen paseak eman ditu eta hurrengo biak berak sartu ditu, horietako bat zoragarria. Zelai erdian nagusitasuna erakutsi du eta dena eman du amaiera arte)

PUNTU 1: Igor (Agian ez da ikusi egin duen lana baina baloi asko berreskuratu ditu eta hori asko eskertu du taldeak. Horregatik ez da gehiegitan areara iritsi. Taldeko lana egin du eta hori ere baloratu behar da)

Euskalduna 1 Tolosa 5

Zigor gogorra atzo arratsaldean jasotakoa, batez ere bi ateetan izan ziren aukerak kontutan hartuta. Bi taldeek aukera kopuru antzekoak izan geniten baina, berriro ere, atzean erakutsitako biguntasunak gol asko jaso arazi zizkigun. Opari asko egiten ditu taldeak eta batzuetan gauzak ondo irteten badira ere, Tolosa bezalako talde batek ez ditu horrelakoak barkatzen. Hori gutxi balitz estrategia jokaldiak hobetu beharrean, geroz eta okerrago defenditzen ditugu. Ondorioz, bost gol kontran, defentsan taldeak urte osoan egin duen partidu txarrenean. Alde positiboa, bigarren zatian sartu diren jokalariek taldeari eman dioten txispa.

Hauek dira atzoko puntuak:

3 Jabi (Aurrelari bezala jokatuz, partidua erreboluzionatu du eta gol bat sartu du)

2 Iñigo (Mugimendu onak egin ditu erasoan, ez du zorterik izan hala ere gola sartzerako orduan)

Puntu 1 Iñaki (Sasoi onean dago, inoiz baino azkarrago eta min asko egiten du aurrean nahiz hegalean)

Baina orain partidu hau lehen bait lehen ahaztu eta biharkorako zentratu beharko gara, helburu bezala, golik ez jasotzea- Eta taldeak goraka egingo du horrela.

Berandu gabiltzanez, Behobiaren partidurako PORRA hemen jarriko dugu.

Ez ahaztu larunbatean dela goizeko 11tan

Euskalduna Vs Tolosa

Partido zail bezain interesgarria gaur arratsaldeko 6:30tan jokatuko dena Allurraldeko kiroldegian. Haizeagatik geratu behar izan zen partidua da gaurkoan jokatuko dena eta bertan Tolosa izango dugu aurkari. Igandeko emaitz eta joko positiboarekin konfidantzaz beterik, gure taldeak gogor ekin beharko dio puntuak etxean gera daitezen. Eta ez ahaztu... %105!

Añorga 3 Euskalduna 4

Partidu zirraragarria atzo goizean ikusi ahal izan genuena, gol ugarikoa eta emozio handikoa lehen minututik azkeneraino. Maldan gora jarri zitzaigun partidua berehala, berriro ere, lehen minutuan korner baten ondorioz lehen gola jaso bait genuen. Hala ere, taldeak ohi duen bezala, ez zuen burua makurtu eta bost minutu pasa baino lehenago Goikok berdinketa jarri zuen markagailuan Ezeizaren pase diagonal on bat jaso eta gero. Hain da zelai txikia Añorgakoa ezer gutxi eginda area ingurura gerturatzen direla talde guztiak, eta estrategia jokaldiak (kornerrak, alboko sakeak...) oso garrantzitsuak direla. Eta hala, partiduko bigarren kornerrean Añorgak bigarren gola sartu zuen, falta argia eginez baina. Baina geuk ere gure landutako faltak ditugu eta horietako batean Igorrek bigarren postean baloia sareetara bidali zuen. Partiduko 16. minutua zen, pentsa. Norgehiagoka lasaitu egin zen baina denok atsedenaldian pentsatzen ari ginenean Añorgak hirugarren gola sartu zuen area kanpotik sekulako ezkerkada eskuadran jarriaz.

Bigarren zatia askoz hobeto hasi zuen gure taldeak, presio gogorragoa eginez eta indartsuago jokatuz, hartara, Añorgak ez zuen atera jaurtiketa bat ere bota, eta hori meritu handikoa da. Partidua aurrera zihoan eta nahiz eta gureak nagusi izan jokoan ez zuten ate aurrean asmatzen. Hamar minutu falta ziren Unzaluk baloi bat lapurtu eta Goiko atezainaren aurrean bakarrik utzi zuenean, honek ez zuen barkatu. Orduan hasi ziren añorgakoak presaka golaren bila aurreko 25 minutak denbora galtzen pasa eta gero. Hori gutxi balitz, entrenatzaileak bere aurrelariari arean baloia hartu eta kontaktua somatzerakoan botatzeko esan zion, lotsagarria. Baina, 36.minutuan, justizia egiteko, Sergiok baloia hartu, sakonean Goikori eman eta honek partidua erabaki zuen; 3-4 grande Goiko!!

Jokalari hauek parte hartu zuten partidu epiko honetan:

Eneko, Christian (Arregi 60.min), Goros (Arruti 65.min), Markel, Ander (Aitor 35.min), Sergio (kap.), Ezeiza, Igor (Unzalu 45.min) Goiko, Ipintza (Jabi 50.min) eta Iñigo (Iñaki 45. min)

P.D.: Eskerrik beroenak Iker Laski, Marian, Jorge eta bere aitari animatzera joateagatik. Detalle polita izan zuten, beste batzuek ikasi zezaketen...

Eta orain sekzio berria: Hemen partiduan izan ditugun alderdi positibo nahiz negatiboak azalduko ditugu:

+ Faltak defenditzen oso ondo ikasi du taldeak.

+ Zelai hortan 3 puntuak talde gutxik aterako dituzte
+ Bigarren zatian sartu ziren jokalari guztiek taldearen maila hobetu zuten
+ Azken 4 partidutan 13 gol sartu ditu taldeak

+ Horietako 6 Goikok, a ze ratxa!

- Kornerrak hobeto defenditu behar ditugu

- Hasieratik hasi behar zuen taldeak bigarren zatiko izpirituarekin jokatzen

- Noiz amaituko da partidu bat golik jaso gabe?

Añorga 3 Euskalduna 4 PUNTUAK

Gaur puntuak emateko aitzaki asko genituen: Igorren gola, Enekoren geldiketa ezinezko bat, Unzaluk zelai erdiari eman dion sendotasuna, Arrutiren debuta, Jabi extremo bezala ere ondo... baina hauek aukeratu ditugu:

4 PUNTU: Goiko (Hitzak soberan daude, hiru gol eta horietako bat azken segunduan. Hiru puntu + propina)

3 PUNTU: Ezeiza (Zelai erdian indar erakustaldia emateaz gain lehen bi golen paseak eman ditu. Ez du zorterik izan urrutiko jaurtiketetan)

2 PUNTU: Iñaki (Bere abiadurarekin izugarrizko arazoak sortu ditu añorgako atzelariengan)

PUNTU 1: Christian (Atzean ondo eta erasoan ere ausartu da. Penalti argi bat egin diote baina epaileak ez du adierazi)

Añorga Vs Euskalduna

Igandean eguerdiko 12tan izango da kopako hirugarren (guretzat bigarren) partidua. Berriro ere etxetik kanpo jokatzea tokatzen zaigu, oraingoan Añorgako Rezola futbol zelai txikian. Ea taldea zelaiaren neurrietara behar bezala egokitzen den eta puntuak pilatzen hasten den!

Lengokoak 3 Euskalduna 2

Partiduak galtzen dituzten taldeek askotan aitzakiak bilatu nahi izaten dituzte, ia beti epaileari egozten zaizkio akats guztiak. Atzokoa ez zen normala izan, baina gure esku dagoen guztia egiten jarraitu behar dugu, eta horrek, atzo epaileak egin zuena ahaztu eta gure jokoa hobetzea esan nahi du.

Partidua sufritzen hasi genuen, baloiarekin ohitzen ginen bitartean talde donostiarrak gure arean sartu gintuen, nahiz eta gol aukera gehiegirik sortu ez. Are gehiago, aukera hoberena gure hanketan izan genuen oso ondo lotutako kontraeraso batean Beñatek gutxigatik asmatu ez zuelarik. Lehen esan dugun bezala taldeak hobetu beharra dauka, alde batetik, kontran dauzkagun estrategia jokaldiak. Horietako askotan lotan harrapatzen gaituzte eta. Horrela iritsi zen partiduko lehen gola, oso urrutitik ateratako falta bat area txikian bakarrik errematatu zutelarik. Beste bat, eta dagoeneko gol asko daramazkigu horrela.

Taldeak, hala ere, ez zuen burua makurtu eta goraka jo zuen aukera onak sortuz. Kornerretan izugarrizko mina egin genuen eta horietako batean Markelek, erne, barrura bota zuen aske geratutako baloia. Berdinketa markagailuan eta baita zelaiean ere, jokoa guk jartzen bagenuen ere, donostiarrek kasta gehiago erakutsi zuten, gogorrago sartuz, buruz beldurrik gabe joanez, erdibidean geratzen ziren baloiak lapurtuz, eta sake guztiak eramanez. Alde horretan askoz gehiago izan ziren. Baina esan bezala jokoa gurea zen, eta jokaldi ikusgarrienak ere. Ipintzak eskubitik egindakoa adibidez, sekulako kañoa, bigarren zutoinera erdiraketa eta Igorrek langara. Lan ona egiten ari bada ere, zorterik ez du aurtengoan urnietarrak. Iritsiko dira golak. Atsedenaldira iritsi baino lehen etorri ziren lehen bi jokaldi polemikoak: lehenengoan Goiko bakarrik geratzen zen atezainaren aurrean, bigarrenean Markelen txilena Ipik gola sartzeko aprobetxatu zuen baina biak baliogabetu zituen epaileak. Bana aldageletara.

Bigarren zatian hegaletatik gehiago sakontzea zuen helburu taldeak, eta baita lortu ere, berehala aprobetxatu bait zuen Goikok Sergioren pase zoragarria taldea markagailuan aurreratzeko. Baina kasualitatez edo, irabazten ari ginenean hasi zen epailearen erakustaldi espektakularra. Kornerra aurka, Enekok jaurtiketa ederki geratu, eta aurkariak ostikada eman eta gero baloia aske geratu zen sareetara bultza besterik egin behar ez zutelarik. Ez zen ezer gertatu. Kornerra alde, Sergiok oso itxia atera eta Ipik berriro ere sareetara. Jokoz kanpo argia. Hogei falta adierazi zizkiguten aurka nahiz eta partidu osoan ostikadarik ez jo. Iñigok aurre hartu zion atezainari, honek traba area barruan, baina bota egin zen antza. Jaurtiketa bat eskuz geratu zuten hurrena, baliteke atezaina zela pentsatu izana. Eta zorte txarra errematatzeko erdiraketa bat zena gure bi jokalarirengan eman eta barrura. Gero Ezeizak ere ez zuen asmatu, bakarrik atezainaren aurrean. Ez sinisteko modukoa.

Baina lehen esan bezala gureari ekin behar diogu. Emaitzak ikusita oso Kopa lehiatua eta berdintasun askokoa izango dela dirudi eta atzo bezala jokatuta puntu gutxi utziko ditugu bidean. Partiduko jokaldi aipagarriena, atzetik hasita, Jabik pareta Unzalurekin gero Sergiori honek sakonean Iñakiri lehenengo tokean... eta aurkariek baloia non zen usaitu ere egin gabe. Hori talde gutxik egin ahal dezakete.

Atzoko protagonistak:

Eneko, Arregi (Christian 35.min), Goros (Jabi 55.min), Markel, Ander (Aitor 55.min), Sergio (kap.), Ezeiza, Goiko, Igor (Unzalu 35. min), Ipi (Iñaki 45.min) eta Beñat (Iñigo 45.min)

Animo mutilak, honetatik altxa eta gure aurpegirik onena erakutsi behar dugu eta Añorgako partiduan. Eta ez ahaztu, oraindik 21 partidu geratzen direla eta hau oso luzea dela.

Lengokoak 3 Euskalduna 2 PUNTUAK

Partiduak galtzen direnean puntuak ematea zaila izaten dela esan ohi dugu. Atzo jokatutako partidua hain izan zen ona askok merezi dituztela puntuak. Ez nahastu izana espero dugu.

3 PUNTU: Markel (Defentsan bikain, beste gol bat... baina aipagarriena, infantiletan inoiz ikusi dugun akzio tekniko ikusgarriena izan da, golean amaitu dena. Baina hori ere, kendu egin digute)

2 PUNTU: Sergio (Goleko bi paseak eman ditu eta kornerrak intentzio askorekin ateratakoak izan dira)

PUNTU 1: Goiko (Oso gol ona, eta arrisku gehien sortu duen jokalaria izan dugu)

Lengokoak Vs Euskalduna

Kopako lehen jardunaldiko 10 minutu jokatu eta gero bigarren partidua datorkigu. Honakoa osorik jokatzea espero dugu; eta espero dugu baita ere ezer harrarorik ez gertatzea. Orain arte denetarik izan dugu: Goizeko 9tan partidu bat, gero gripeagatik atzeratutako beste bat, putzu batean jokatutako beste bi, haizeagatik geratutako beste bat... Partidua normal jokatzearekin nahikoa dugu. Gainera larunbat hontakoa partidu gogorra izango da benetan, Lengokoak beti talde serioa eta ondo jokatzen duena izaten baita da. Baina hortarako gaude gu, gutxiago ez garela erakusteko. Gogoratu goizeko 11tan Cesar Benito futbol zelaiean. Animo mutilak!!!!

Euskalduna Vs Tolosa

Badatoz bueltan, eta oraingoan erne etorriko dira. Ligan beraien aurka jokatu genuenean tolosarrek espero ez zuten partidua egin eta emaitza bikaina lortu genuen. Oraingoan bestelakoa izango da, badakitelako guk ze maila dugun. Beraz, aurrekoan %105 eman behar izan bagenuen oraingoan gehiago eman beharko dugu. Partidua larunbatean izango da, Andoainen goizeko 10:45etan. Ea kopa ondo hasten dugun!

KOPA

Koparako taldeak zozketatu dira eta, egia esan ez dugu zorte gehiegirik izan. Txapeldunen fasean sartzeko puntuan egoteak ez du esan nahi orain datorkigun txapelketa erraza izango denik. Ezta gutxiago ere.




TXAPELDUNEN FASEA

Real Sociedad
Antiguoko
Sanse
Eibar
Real Union
Beasain
Hernani
Touring
Zarautz
Kostkas
Arrasate
Aretxabaleta

KOPA 1.go TALDEA

Euskalduna
Tolosa
Añorga
Lengokoak
Sporting Herrera
Hondarribia
Ostadar
Dunboa
Behobia
Beti Ona
Vasconia
Orioko

KOPA 2.TALDEA

Amaikak Bat
Aurrera Ondarroa
Zumaiako
Ordizia
Urola
Urki
Ilintxa
Bergara
Aloña Mendi
Anaitasuna
Elgoibar
Lagun Onak

Zer iruditzen zaizue?

Euskalduna 3 Urki 1

Egun batzuk besteak baino hobeak izan ohi dira. Batzuetan gauza gutxi eginez bilatzen den emaitza lortzen da, bestetan, larunbat hontan bezala nahiz eta ahalegin guztia jarri ez dira gauzak espero ditugun bezala irteten. Agian astean zehar izandako gehiegizko konfiantza horrek ez zien gure jokalariei barruan zuten guztia irteten utzi. Agian golak sartzeko ansiedadea izan zen, auskalo. Errealitatea urteko partidurik kaxkarrena ikusi genuela da.

Hala ere oso ondo hasi genuen partidua, Markelek korner batean aske geratu zen baloi bat sareetara boteaz. Erraza izango zela zirudien baina despiste hori garesti irten zitzaigun Urkiko aurrelariak bakarrik egindako jokaldi batean berdinketa jarri zuen eta. Akats gehiegi jokaldi bakarrean. Lehenengo zatian atera daitezkeen alderdi positiboenak taldeak baloia atzetik atera eta ikutzeko gaitasuna izan ziren; negatiboa, beste areara iristeko presa gehiegi izan genuela eta jaurtiketa gutxi egin genituela. Horietako bat atezainak ez zuen ondo harrapatu eta Ipintzak gola sartu behar zuenean atezainak trabatu egin zuen. Sergiok erraz sartu zuen penaltia.

Bigarren zatian jokoa askoz okerragoa izan zen, pase gehiegi huts eginez, azkarregi eta pentsatu gabe jokatuz... Aurkariak ez ziren zelai erditik pasa ere egin baina konbinaziorik ez zen ikusi, eta izan genituen gol aukerak beraien akatsen ondorioz zetozen eta ez gure merituengatik. Horietako bat cañonero Ezeizak sartu zuen, urrutitik aspaldiko partez, poste bat ere eman zuen landutako jokaldi batean.

Esan bezala partidu kaxkarra, humilagoak izaten erakutsi behar gaituen partidua. Orain kopa bait dator, eta goian egon nahi badugu arerio guztiak errespetuz hartu beharko ditugu. Goian egoteko ezin bait da egun txarrik izan.

Hamaikakoa:

Eneko, Arregi (Christian 35.min), Goros, Ander (Beñat 35.min), Markel, Sergio (kap.), Igor, Ezeiza, Ipintza (Jabi 45.min), Goiko eta Iñaki (Iñigo 45.min)

Gaur arratsaldean Koparako taldeak zozketatzen dira, erne beraz, gauean blogean jarriko ditugu eta!

Euskalduna 3 Urki 1 PUNTUAK

Larunbat hontako partiduko puntuak horrela banatuko ditugu:

3 PUNTU: Sergio (Jokoari zentzu apur bat eman zion bakarra izan zen. Hala ere askoz hobeto jokatzen badaki)

2 PUNTU: Goros (Gustora dabil lateral bezala, bolea onak jaurti ditu baina ezinezkoa dirudi gol bat sartzea)

PUNTU 1: Ezeiza (Nahiz eta zorte gehiegirik gabe guztia ematen ari da. Gola berreskuratu du)

Euskalduna Vs Urki

Ligako azken partidua hemen da, taldeak gogor egin du lan eta emaitza onak lortu ditu. Hain da horrela ze gutxigatik ez gara sailkatuko Txapeldunen Fasera, eta hori deboraldi hasieran pentsaezina zen. Azken partidua Andoainen jokatuko dugu larunbatean goizeko 11tan Urkiren aurka. Eibarko taldea da Urki eta hasiera batean gozatzeko eta golak sartzeko partidua izango dela dirudi, baina konfiatu gabe bestela sustoak etorriko dira eta!

Euskalduna 4 Ostadar 1

Ea euria egiteari uzten dion, azken hiru partiduak (Sanse, Hernani eta Ostadar) putzu batean jokatu behar izan ditugu eta. Atzoko partidua gaizki hasi zen oso, hartzen genituen baloi guztiak galduz eta horrela berehala iritsi zen lasartearren gola. Hala ere erantzuna azkarra izan zen, Goikok, Markelek ondo pasatzen utzitako baloi bat ederki gurutzatu bait zuen. Orduan hasi zen taldea gehixeago jolasten baina Ostadarrekoak oraindik gure areatik gertu zebiltzan. Gure taldeak kontraerasoetan bakarrik egiten zuen min, horrela, Goikok lehenengoan asmatu ez bazuen ere, lehen zatia amaitzear zela lehen tokean egindako jokaldi zoragarri batean Iñigok sakonean bikain eman zion Goikori eta honek ez zuen barkatu, berriro ere ondo gurutzatuz.

Bigarren zatia guztiz geurea izan zen, konbinazio onak eta jokaldi interesgarriak ikusi ziren. Baloiaren jaun eta jabe izan ziren urdinak eta zelaia hobe egongo balitz askoz ere gol aukera gehiago sortzeko posibilitateak izango zituzten. Hala ere, markagailuan 4 gol baino gehiagorekin amaitu zitekeen partidua. Baina sartu ziren golak, lehenengoa Goikoren erdiraketa luze baten ondorioz iritsi zen Ipintzak hartu eta eskuadran jarri zuen. Deabru txikiaren bostgarren gola eta pitxitxien buru da Goiko Sergio eta Ezeizarekin batera.

Partidua lasai zihoan baina hamar minuturen faltan jokaldi klabea iritsi zen, aurkako penaltia alegia, 3-2koa jar zezaketen lasartearrek baina hor agertu zen Oier hankarekin penaltia geratzeko, segidan gainera langara bota zuten beste jaurtiketa bat eta sustoa oraindik gorputzean genuenean Beñatek Goikoren jaurtiketa ustel bat (baina pase ona izan zena) hartu eta partidua erabaki zuen. Hortik aurrera beste poste bat eman genuen eta lehen esan bezala, zelaiaren egoerak sahiestu zuen gol gehiago ez sartzeak.

Partidu ona beraz, gure mutilek burutu zutena, hasieratik irten zirenek maila ona erakutsi zuten eta bigarren zatian sartutakoek ere taldeari asko eskeini zioten, eta hori oso garrantzitsua da. Larunbatean gol gehiago sartzeko aukera Urkiren aurka.

Oier, Christian (Aitor 45.min), Arregi (Jabi 45. min), Markel, Ander, Sergio (kap.), Ezeiza, Igor (Iñaki 50.min), Goiko, Ipi (Goros 50.min), eta Iñigo (Beñat 45.min)

Euskalduna 4 Ostadar 1 PUNTUAK

Irabazten denean puntuak ematea askoz ere errazagoa da, gaur arratsaldean jokalari hauek nabarmendu dira:

3 PUNTU: Goiko ( Esnatu da, hasieratik ikusten zitzaion beste txispa batekin. 2 gol eta beste 2en paseak eman ditu, gehiago eskatzerik ez dago)

2 PUNTU: Oier ( 10 minuturen faltan eta markagailuak 3-1ekoa erakusten zuenean erabakiorra izan zitekeen penaltia geratu du)

PUNTU 1: Aitor ( Bigarren zatian sartu da eta lan ona burutu du, baloi guztiak ondo eta zentzu askorekin jokatuz )

Hernani 2 Euskalduna 0 PUNTUAK

Hernaniko putzuan jolastea zaila zen, hala ere taldeak dena eman zuen hasieratik amaiera arte horregatik emaitzak golpe handia suposatu zuen taldearentzat. Dena den gaur arratsaldean beste partidu bat izango dugu, Ostadarren aurka 6:30tan, eta ziur taldeak bere joko onena erakusten duela.

Hauek dira aurreko asteburuko puntuak:

3 Puntu: Christian (Partidu bikaina, atzean sendo eta aukera izan zuenean erasora igoz)

2 Puntu: Ander (Lan asko izan genuen atzean eta ez zuen akatsik egin, eta zelaia zegoen bezala ikusita hori oso zala zen)

Puntu 1: Beñat (Ikustea ohituta gauzkan lana egiteaz gain bera egon zen gola sartzeko gertuen jaurtiketa bikain batekin)

Arratsalde honetan gehiago... eta espero dugu hobeto.

Porran, galtzen dugun guztietan bezala asmatzailerik ez. Ostadarreko partidurako jarri zenituzten emaitzak mantendu egingo ditugu.

Animo mutilak!

Hernani Vs Euskalduna

Liga amaierako partidu klabea izango da astebukaera hontakoa. Hernanikoak beti dira talde sendoa eta ondorioz partidu zaila izango da, hala ere, garaipena lortzen duenarentzat saria haundia izango da. Ia segurtasun osoz Gipuzkoako 12 talde onenen artean sartuko da partidu honen garailea. Horregatik, inoiz baino gehiago bakoitzak barruan duen guztia eman beharko du.

Partidua Igandean 12tan izango da Zubipe futbol zelaian, animatzera joaten zareten laguntza guztia eskertuko du gure taldeak.

Euskalduna Vs Ostadar

Partidua BERTAN BEHERA geratu da Ostadarreko jokalari asko gripeak jota daudelako

Sanse 4 Euskalduna 0 PUNTUAK

3 PUNTU: Markel (Lan asko izan genuen atzekaldean eta berak bikain konpondu zituen uneoro sortzen ziren arazoak. Egunetik egunera izugarri hobetzen ari da)

2 PUNTU: Eneko (Goletan ezin izan zuen ezer egin eta gainera segurtasuna eman zion taldeari)

PUNTU 1: Ipintza (Berdinketa izan zitekeen jaurtiketa zoragarri bat egin zuen, baina langara joan zen)

SANSE Vs EUSKALDUNA

Ez da broma. Larunbat honetan goizeko 9tan jokatuko da partidua Felix Garin futbol zelaian. Futbol zelai hau Grosen dago, Ategorrietara bidean kurba egiten duen puntuan. Ordua aitzakitzat hartu gabe, dena eman eta nahikoa esna joan beharko dugu partidu txukun bat egin ahal izateko. Hala ere a zer nolako ordua Infantilen Ohorezko mailako partidu bat jokatzeko.

Animo porrarekin, Xabi fuerte hasi zaigu eta aurtengoan

Euskalduna 3 Tolosa 1

"Ez dira gehiago, eman ezazue bakoitzak barruan duen %105". Hori izan zen atsedenaldian emandako aholkurik aipagarriena. Esan eta egin, 3 minututan emaitza alde genuen.

Partidua zaila izango zela bagenekien aldez aurretik, urteko zailenetakoa segururenik, baina gure jokalariek erakutsitako motibazioa eta kontzentrazioa apartak izan ziren. Lehenengo zatia oso parekatua izan zen, baloia bi areatara iristen zelarik baina bi aukera garbienak Tolosako aurrelariak izan zituen. Gureak defentsan sendo ari ziren eta zirrikiturik ez zuten uzten baina baloia berreskuratzean azkarregi iritsi nahi zuten areara eta zuzenegi jokatuz erreztasunak eman zizkien atzelariei. Talde ona da oso Tolosakoa, horregatik, lehen zatia amaitzear zela, gure atzekaldeko koordinazio akats txiki bat nahikoa izan zuten jokaldi on bat egin eta taldea aurretik jartzeko. 0-1 atsedenaldira.

Hortik aurrera esandakoa; bigarren zatia beste bizitasun batekin hasi zuten gure mutilek eta lehen minutuan Sergiok falta bat atera, Iñigok atzera buruz jo eta Ezeizak ezkerrez baloia birrindu zuen bolea bikain batekin, dale cañonero! Hori gutxi balitz, 3.minutuan kontraeraso on batean Ezeizak Iñakiri sakonean eman eta honek ez zuen barkatu laguntza pixkat izan bazuen ere. Hortik aurrera lehia asko egon zen, intentsitate haundiz persionatuz eta noizean behin konbinaketa on batzuk ere ikusi ziren. Ondorioz Tolosakoek aukerarik ez zuten sortu baloia jokoan zegoenean eta faltak baliatu zituzten arriskua sortzeko. Horietako bat barrura zihoala zirudien baina Oierrek bikain atera zuen behatz puntekin.

Amaiera aldean gure taldeak izan zituen aukera onenak, horietako batean Sergiok baloia areatik metro batzutara hartu eta 3-1ekoa jarri zuen jaurtiketa sinestezin batekin. Horrela bukatu zen partidua, baten batek inoiz ahaztuko ez duena suposatzen zuenagatik.
Oso ondo dena, bai, baina orain aurrera begiratu behar da, lanean jarraitu eta asteartean entrenamenduei berriro ekin, datorren asteko aurkaria oraindik ere zailagoa izango bait da.

Partiduko hamaikakoa:

Oier, Aitor (Christian min.60), Ander, Markel, Goros (Arregi 65.min), Sergio (kap.), Ezeiza, Igor (Iñaki 35.min) Goiko, Ipintza (Jabi 50.min) eta Iñigo (Beñat 50.min)

Euskalduna 3 Tolosa 1 PUNTUAK

Partidu bikaina jokatu ostean denei 3 puntu emateaz hitz egin zen, hala ere horrelako partidu gehiago egongo direlakoan, beti bezala banatuko ditugu. Dena den, jakin dezazuela guztiok merezi dituzuela puntuak aste hontan:

3 PUNTU: Goros (Lateral bezala ez dago ohituta baina izugarrizko partidua jokatu zuen, atzean seguru eta aurrera ere jo zuen zenbaitetan. Detalle tekniko ikusgarriak ere utzi zituen)

2 PUNTU: Oier (Golean ezin izan zuen ezer egin. Beste jokaldi guztietan segurtasun handiz aritu zen, eta geldiketa ezinezko bat ere egin zuen partidua 2-1 zihoanean)

PUNTU 1: Aitor (Pixkanaka pixakanaka martxa hartzen ari da lehiaketari, larunbatean akatsik ez zuen egin eta erraz jokatu zituen baloiak)

EUSKALDUNA Vs TOLOSA

Maila berrira igotzeak, aurrean Gipuzkoako talde onenak izatea suposatzen du. Orain arte partidu lehiatuak izan baditugu ere, orain datozen biak benetan gogorrak izango dira. Horietako lehena Tolosa da, Andoainen izango da partidua eguerdiko 12:30tan eta jokalari bakoitzak duen 100% eman beharko du partidua aurrera ateratzeko. Animo ba, gogor lan egin dezagun geratzen diren bi entrenamenduetan partidu on bat egin ahal izateko!

Bestalde, Porrako emaitzak hemen jarri behar dira, eta partidua hasi baino lehen noski, bestela ez du balioko.

Urola 1 - Euskalduna 3 PUNTUAK

Denboraz gaizki gabiltza eta horregatik ez gara kronikarik egiten ari, hala ere, ahal bezain laister itzuliko gara lehengora. Hona aste hontako puntuak:

3 PUNTU: Ander Arratibel (Partidua guk dominatu bagenuen ere, Urolakoak zelai erditik pasatzeko asmoa erakusten zutenean hor zeuden gure atzelariak baloia berreskuratu eta erdilariei erraz emateko)

2 PUNTU: Igor (Zelai erdiari erritmoa eman zion eta pase onak sartu zituen sakonean)

PUNTU 1: Pistolero Pajares eta Ipi Deabru txikia (gol on bat bakoitzarentzat)

Eta porran asmatzaile bakarra: Xabi (ohiturari jarraituz, entrenatzaileok dugu punteria hoberena)

UROLA Vs EUSKALDUNA

Ligak aurrera jarraitzen du eta gure taldeak aukera ezin hobea izango du aste honetan azken partiduko emaitza kasualitatea besterik izan ez zela erakusteko. Hirugarren partidua Zumarragan izango da Urolaren aurka 11:00tan Argixao futbol zelaian, eta gure mutilak etxetik kanpo daramaten dinamika ona jarraitzeko asmoz irtengo dira zelaira. Orain arte, partidu guztiak kontutan izanda, etxetik kanpo 3 garaipen (Ostadar, Urnieta eta Ordizia) eta berdinketa bat (Herrerako Sporting) eskuratu ditu. Ea gure taldearen beste progresio txiki bat ikusten dugun!

Porran asmatzea zaila gertatzen ari da aurtengoan, ea punteria hori!!

Euskalduna 0 Beasain 2 PUNTUAK

Pasa den asteburuko emaitza oso ona izan ez bazen ere gauza positiboak ikusi izan ahal ziren, taldearen defentsa jokoa, presioa, kolokazioa...
Gure ustez zelai erdiak lan ona egin zuen eta hori da saritu duguna:

3 PUNTU: Unzalu (Izugarri baloi piloa berreskuratzeaz gain, gero erraz eta ondo jokatu zituen. Eta hori izan ohi da askotan zailena)

2 PUNTU: Sergio (Askoz hobeto jokatu badezake ere, zelai erdian jokalari garrantzitsua izan zen taldearentzat. Jaurtiketa arriskutsu batzu ere egin zituen)

PUNTU 1: Ezeiza (Partiduan sartzea kostatu zitzaion baina amaieran esnatu eta gol aukera asko sortu zituen. Hala ere, ezin dira beti bi gol sartu)

EUSKALDUNA Vs BEASAIN

Atsedenaldiaren ostean Ligari berriro ekin behar diogu eta non hobeto gure zelaiean baino. Bertara Beasaingo taldea etorriko zaigu lehiatzera, eta ez dira nolanahiko aurkariak izango, liderrak dira eta bi partiduak irabazi ostean. Partidua larunbatean goizeko 10:30tan izango da Allurralden. Ea gure taldeak hazten jarraitzen duen, defentsan hobetu eta 3 puntuak etxean uzten dituen!!!

Bestalde, porrak martxan jarraitzen du nahiz eta asmatzailerik ez izan...

ORDIZIA 3 EUSKALDUNA 5

Euskaldunaren 85 urteetan, Infantilen Ohorezko mailan jokatzen zen lehen partidua ikusi genuen larunbatean. Jokalariak hontaz gehiegi jabetzen ez baziren ere, data historikoa izan genuen larunbatekoa. Eta egia esan, berehala jakin genuen maila hau besteak baina gogorragoa izango zela. Joko aldetik Ordiziarrak oso gainetik hasi ziren eta partiduko 10. minuturako emaitza maldan gora jarri zen. Gure mutilek ezin zuten baloia berreskuratu, eta lortzerakoan, jabetza oso azkar galtzen zuten. Hala ere, minutuak aurrera joan ahala geroz eta hobeto hasi ziren jokatzen eta aukeraren bat ere izan zuten Beñaten hanketan. Eta lehen zatia amaitzear zela, kontraeraso bikain batean Beñatek Ezeizabakarrik utzi zuen atezainaren aurrean et honek ez zuen barkatu. 2-1 atsedenaldira.

Bigarren zatia guztiz bestelakoa izan zen, ordiziarrek presio ona egiten zutenez baina defentsa lerroa oso aurreratua zegoenez, taldearen jokoa baloi jabetzan oinarritu beharrean baloi luzeetan oinarritu zen; eta honek, taldeari aurrera joaten lagundu zion. Horrela iritsi zen berdinketa, lehengo golaren oso antzekoa izan zen jokaldi batean Beñatek Ezeiza atezainaren aurrean utzi zuen eta honek partidua berdindu zuen. Hori gutxi balitz, jarraian, prestaturiko korner batean Sergiok lehenengo zutoinera atera eta Goikok, atezainaren laguntzarekin taldea aurreratu zuen.
Dena ondo zihoala zirudien baina 5 minuturen buruan Ezeiza lesionatu eta kontran zalantzazko penalti bat adierazi zuen epaileak. Hirunako berdinketa eta gu ia jokalari bat gutxiagorekin aldaketa guztiak eginak bait zeuden. Horrela, denek berdinketa hontzat ematen zutenean, Sergiok azen minutuan, falta bat ezin hobeto jaurti eta baloia ekuadran jarri zuen, golazo. Eta ordiziarrak gure aterantz joan zirenenan Ipintzak Iñigoren pasea aprobetxatuz 3-5 ekoa jarri zuen.

Debut bikaina eta partidu zirraragarria, hortaz larunbatekoa. Emaitza honek taldeari bultzada bat eman behar dio lanean jarraitu eta banan ban nahiz talde bezala egunetik egunera hobetzeko.
Hauek izan ziren protagonistak:

Oier, Arregi, Jabi (Aitor 35.min), Ander, Markel, Sergio (kap.), Ezeiza, Igor (35.min), Goiko (Iñaki 50.min), Goros (Ipintza 50.min), eta Beñat (Iñigo 50.min)

Ordizia 3 Euskalduna 5 PUNTUAK

Pasa den larunbateko partiduak alternatiba asko izan zituen eta gauza asko gertatu ziren, jokalarien aldetik ere, guztiek izan zituzten beren momentu honak ere. Askoren lana goraipa genezake hemen, baina beti bezala, hirurentzat izango dira puntuak:

3 PUNTU: EZEIZA (Aste osoa minez, masajistekin etab egon ondoren partidua berdintzeko balio izan duten 2 golak sartu ditu. Amaieran kili kolo bazegoen ere, dena eman du. Hala ere, joko aldetik gehiago eskatu behar zaio datozen partiduetan)

2 PUNTU: MARKEL (Lehen partidu ofiziala zelai haundi batean eta maila ona erakutsi du. Ikasteko asko falta bada ere, hau da bidea)

PUNTU 1: UNZALU (Bigarren zatian sartu eta sendotasuna eman dio taldeari zelai erdian)

Ordizia Vs Euskalduna

Liga hastear da. Bukatu dira frogak eta astebukaera honetan Euskaldunak, lehenengo aldiz bere historia luzean, Infantilen Ohorezko mailan jokatuko du. Partidu hori larunbatean izango da goizeko 10:30tan, eta taldeak, kategoria honi ekiteko gaitasuna duela erakutsi beharko du.

Ligarekin batera, puntuak, porrak... ere hasiko ditugu, blog-ari martxa pixkat emateko asmoz. Beraz badakizue, "comentarios"-en zuen emaitzak jarri. Eta ea norbaitek pasa den urteko txapeldunari irabazten dion...

Euskalduna Vs Real Sociedad

Vs

Asteazken hontan partidu bikaina ikusteko aukera izango dugu Allurraldeko futbol zelaiean. Euskaldunaren eta Errealaren artekoa, alegia. Partidu hontarako 20 jokalariak deialdian sartuko dira (ezin duenak hemen jar dezala) eta denek izango dute minuturen bat bere maila erakusteko. Aurrean Ander Martinez izango dugu aurkari, eta espero dugu atezain andoaindarrari gol asko sartzea!

Gogoratu partidua arratsaldeko 4:30tan izango dela eta nahiz eta guk etxean jokatu, kamiseta gorriarekin irtengo garela. Animo mutilak, Errealari irabaztera!!

Ostadar Vs Euskalduna

Aurredenboraldia martxan da eta gure taldeak aurrera jarraitzen du partiudak jokatzen. Larunbat hontakoa hirugarrena izango da eta nahiz eta oraindik garaipenik ez iritsi, taldeak geroz eta itxura hobea dauka. Orain arteko emaitzak bi berdinketa izan dira, bai Añorgaren aurka (0-0) eta baita Herrerako Sporting-en aurka ere (2-2). Honetaz gain, lesioek inoiz baino min gehiago egiten ari diote gure taldeari eta partiduetan hori ere nabari da: Ezeiza, Unzalu, Goiko eta Arrutik minutu gutxi jokatu dituzte orain arte. Hala ere, alderdi positiboa Eskolarreko Infantilek ematen ari diren maila ona da. Lehen partiduan, Mathew, Jonai, Gorka Gomez, Oier, Aritz eta Alexek jokatu zuten. Bigarrenenan ordea, Gorka Diez eta Ruben "Rufo"-k partidu aparta jokatu zuten eta ondorioz, beste aukera bat izango dute biharkoan.

Esan bezala, bihar, larunbata goizeko 10etan Mitxelin futbol zelaian Ostadar-en aurkako partidua. Ea hirugarrenean garaipena datorren, baina garrantzitsuagoa dena, taldeak egunetik egunera hobea dela erakusten duen

EUSKALDUNA Vs AÑORGA

Aste osoan zehar gogor lanean aritu eta gero, geure indarrak Añorga taldearen aurka neurtuko ditugu. Partidua zaila izango da añorgatarrak beti talde arriskutsua direlako eta guk eramango dugun taldea bi Infantilen artean osaturikoa izango bait da. Hala ere, gure jokalariek barruan duten guztia emango dute eta zihur partidu polita ikusten dugula.

Norgehiagoka larunbatean izango da, goizeko 10etan, Allurralde kiroldegian.

AURREDENBORALDIA HASTEAR

Abuztuak 24an, astelehena, ekingo diogu denboraldi berriari. Oraindik ez dakigu zein mailatan izango den baina horrek berdin dio, helburua beti gozatzea, ikastea eta dena ematea izango delako. Gure taldeko 15 bat egongo gara eta kopurua osatzeko infantil eskolarretik deituko ditugu batzuk ere.
Ez ahaztu beraz, astelehenean goizeko 10:30tan lehenengo entrenamendua. Hala ere, badaezpada igandean denoi deituko dizuegu etxera.

ENTRENAMENDUEN ORDUTEGIA URTEAN ZEHAR:

Infantil "A"

Asteartea eta Osteguna 5etatik 6:30tara
Ostirala 6etatik 8tara

Infantil "B"

Asteartea eta Osteguna 5etatik 6:30tara

LAISTER ARTE!!

Donosti Cup: FINALERA!!!!

Gaur goizean Oiartzunen jokatutako partiduan, gure taldeak 2-0 irabazio dio Pasaleku Jatetxe-ko taldeari. Norgehiagoka oso gogorra eta lehiatua izan da aukerak bi taldeek izan dituztelarik. Baina Christianen eta Dennisen golek partidua erabaki dute. Hala ere, finalera iritsa bagara jokalari guztien lan bikainagatik izan da. Talde sendoa garela erakutsi dugu uneoro eta gol bakarra sartu digute orain arte.

Ea horrela jarraitzen dugun eta beingoz Kopa irabazten dugun!!!

Donosti Cup

Uztailak 6ean Donosti Cup txapelketa hasiko da eta laugarren urtez jarraian Euskaldunak parte hartuko du. Hau da deialdia:

1- Manex Iraola
2- Jokin Letamendi
3- Iker Laskibar
4- Axel Garcia
5- Imanol Igarategi
6- Aritz Rodriguez
7- Unai Gorostidi
8- Dennis Torrecilla
9- Christian Guijarro
10- Mikel Rodriguez
11- Aitor Jimenez
12- Pablo Placencia
14- Beñat Arizaga
15- Iñigo Alkorta
17- Iñaki Manrique
18- Josu San Martin
19- Kevin Fondon

Egun hauetan izango dira entrenamenduak:

Ekainak 30 asteartea goizeko 11tan
Uztailak 1 asteazkena goizeko 11tan
Uztailak 3 ostirala goizeko 11tan

Infantilen bi taldeak, osaturik

Pasa den ostiralean 2009-2010 denboraldirako taldeak osatu ziren, bai federatua, baita eskolarra ere. Aipatzekoa da bertara inoiz baino jokalari gehiago azaldu zirela (61 denera) eta horregatik, sartzea benetan zaila izan zela. Hauek dira bi taldeak:

INFANTIL FEDERATUA

1- Oier Escudero
2- Jon Arregi
3- Jabi Mendizabal
4- Sergio Garcia (kap.)
5- Markel Iruin
6- Ander Unzalu
7- Unai Gorostidi
8- Igor Herrero
9- Iñigo Martinez
10- Mikel Ezeiza
11- Iker Ipintza
13- Eneko Guedejo
14- Beñat Arizaga
15- Aitor Gaztañaga
16- Ander Arratibel
17- Mikel Goikoetxea
18- Mikel Arruti
19- Iñaki Manrique
20- Christian Garcia
21- Asier Pajares

Entrenatzailea: Gorka Otaegi
Laguntzailea: Iker Martin
Delegatua: Xabi Artano

Aurredenboraldia Abuztuak 24ean hasiko dugu, arratsaldeko 5etan. Bertan, "comentarios" -en bakoitzak jar dezala oporretatik noiz itzultzen den, lehen egunean zenbat egongo garen jakin ahal izateko.

INFANTIL ESKOLARRA

1- Unai Ormazabal
2- Gorka Gomez
3- Xuban Zabalo
4- Gorka Diez (kap.)
5- Jonai Venero
6- Andoni Garcia
7- Dani Sanchez
8- Martin Mendizabal
9- Aritz Caballero
10- Oier Garcia
11- Christian Garcia
12- Patxi Suesku
13- Imanol Garciabueno
14- Ander Rojo
15- Mathew Wesney
16- Aitor Otaegi
17- Endika Huizi
18- Alex Ceballos
19- Ruben Piron
20- Sergio Vazquez

Entrenatzailea: Andoni Garcia
Laguntzailea: Julen Loidi

Aurredenboraldia, Irailak 1 arratsaldeko 5etan

Eta entrenamenduen egunak urtean zehar astearte eta ostegunetan izango dira, bi taldeentzat. Beraz extraeskolarrak antolatzeko orduan egun hauek kontutan izan!

Eta ez ahaztu, zailena orain hasten da!

2009-2010 denboraldirako frogak

Asteazken hontan Ekainak 10 eta ostiralean ekainak 12 arratsaldeko 6tan izango dira frogak. Bertan 1996 eta 1997an jaiotako mutilek parte hartuko dute eta ostiralean osatuko dira bi taldeak: Infantil Federatua eta Ïnfantil eskolarra.

Denera 40 mutil sartuko dira Euskalduna taldean, 20 1996an jaiotakoak eta beste 20 1997koak. Euskaldunan sartzea sari bat da, baina baita ardura haundiko eginkizun bat, beraz, oso lehiatua egongo da, horregatik, aurreko urtean taldean egoteak (federatuan nahiz eskolarrean) ez du esan nahi hurrengoan ere jarraituko dutela. Beraz, serio eta gogor ekin frogei!!

Animo eta dena ematera!!!

KAMISETAk!!!!

Kaixo guztioi!!!!!!!

Denok dakizuen bezala ostirala honetas entrenamendua izango dugu ekipo osoa betiko ordutegian.

Beharrezkoa da bakoitzak etxean dauzkan Kamiseta Urdina eta Gorria entrenamendura eramatera jaso ahal izateko.

Norbaitek entrenamendura joaterik ez badu beste norbaiti emateko mesedez kamisetak.

Baita komentatu larunbata honetan urtero bezala ospatzen den denboraldi bukaerako bazkaria izango dugula Arrate frontoiean. Beraz ostiralean komentatuko dugu ordua.

Ondo izan!!!!!!!!!

GIROA ETA UMORE ONA, PARTIDUKO GARAILEA!!!

Larunbata goizean Allurralde futbol zelaiean gertaturikoa ez dugu errez ahaztuko bai jokalari, guraso eta entrenatzaileok.

Futbola ardatz harturik, jokalari, entrenatzaile, eta gurasoak goizetik elkartu eta futbol partida bat jokatu genuen. Guraso eta entrenatzaileen taldeak gorriz zelairatu ziren, jokalarien taldea berriz urdinez. Guraso eta entrenatzaileen taldeak derrigorrezko estiramentu saioak egiten zuten bitartean, jokalarien taldeak garaipenaren ospakizuzen estrategia prestatzen gelditu ziren aldagelatan.

11,30 etan ekin zitzaion partiduaria, eta lehen gola gurasoen taldeak sartu zuen. Hortik denbora gutxira jokalarien taldeak 1-1 berdindu zuten, eta deskantsura denbora gutxi falta zela 2-1ekoa sartu zuten gurasoen taldeak. Bigarren zatia hasi eta berehala 2-2koa sartu zuten jokalarien taldekoa, eta 2-4 aurreratu ere. Baina orduan hasi zen "BOMBA GORKA" bere erakusketarekin eta 5 minututan bi gol sartuaz 4-4 berdintzea lortu zuen gurasoen taldeak. Markagailu honekin partiduaren bukaerara iritsi zen partidua.

Ondorioz penalti jaurtiketetan erabaki zen partiduaren garailea, eta nola ez "GURASO-ENTRENATZAILEEN" taldeak lortu zuen garaipena.

Hala ere partiduaren irabazle bakarra bertan sorturiko giro ona dela esan daiteke.

Ondoren guraso, entrenatzaile eta jokalari guztiak (denetara 70 pertsona inguru) Errekaburun elkartu ginan egunaz eta denboraldian lorturiko emaitzak eta giro ona ospatzera. (eskerrik beroenak antolaketan, eta bazkarian lan egindako guztioi!!!!!!!!).

Eguneko argazkiak blogean daude sartuak!!!!!

ZORIONAK GUZTIOI ETA LAISTER ARTE!!!!!!!!

ARRISKU ALTUKO PARTIDA DEKLARATU DA

Bihar larunbata, maiatzak 30, goizeko 11:30etan partida berri bat izango du Euskaldunako Infantil taldeak Allurraldeko futbol zelaiean.

Oraingo honetan gurasoek nahiz entrenatzaileak izando dira arerioak, eta arrisku altuko partida bezala deklaratu dute, ziurtasun neurri bereziak izango direlarik.

Gurutze Gorria ere bertan egoteak ez litzate txarra izango, guraso batek baino gehiago akaso beren beharra izan dezake eta karrera bat egin ondoren!!!!!!!!

Taldeko jokalari batzuen gurasoek partidua jokatuko dutela ziurtatu dute, eta urte osoan beren semeei ikusitako akats guztiak ez egiten saiatuko dira.

Bi entrenatzaileak fisikoki puntu onean iritsi dira partidu egunera eta ziur beren joko ona erakusteko kapazak izango direla.

Jokalariak, biharko ez dute entrenatzailerik izango, beraiek bakarrik moldatu beharko dute. HORI ERRONKA!!!!!!

Animo guztiei eta talderik hoberena irabaz ditzala neueketa.

Partidua jokatu eta gero jokalari nahiz guraso guztiak bazkari bat ospatuko dute herriko elkarte batean. (ESKERRIK ASKO SUKALDARI NAHIZ PARTIDU-BAZKARIAN ANTOLAKETAN IBILI ZARETEN GUZTIOI ERE!!!!).

Jokalariak urdinez jokatuko dute, guraso-entrenatzaileak berriz gorriz.

Laugarren Postua: Emaitza Historikoa

2002-2003 denboraldian Euskaldunak Infantilen taldea sortu zuen. Zazpi urte igaro dira eta era guztietako emaitzak lortu ditu klubak.

Kopa lau aldiz jokatu da, pasa den urtean emaitza onena lortu zelarik finaleraino iritsi eta gero. Beste hiru denboralditan (04-05 ; 06-07 ; 08-09) Igoera Fasera iritsi da.

Aipatzekoa da Igoera Fasea jokatu den 3 urte hauetan Euskaldunak Liga erregularra lehenengo postuan amaitu zuela: 2004-2005ean ez zuten zorte handiegirik izan eta azkeaurreko postuan amaitu zuten. 2006-2007an ordean, nahiz eta talde ona izan 17 jokalari bakarrik izateak taldeari kalte egin zion eta bostgarren postuan amaitu zuten. Horren ondorioz, 20 jokalariko taldeak egitea erabaki zen.

Eta aurten ia urte osoan igoerarekin amesten egon bagara ere, gure akatsek eta erregulartasun faltak laugarren postuan utzi gaituzte. Hala ere, azpimarratu behar da aurtengoa izan dela Euskaldunak Infantiletan inoiz lortu duen emaitza onena eta horregatik, egindako lanarekin harro sentitu behar garela.

Zorionak denoi egindako denboraldi bikainagatik eta ea datorren urteko Infantilek gu baino gorago amaitzen duten!!!

Euskalduna 3 Pasajes 0

Denboraldia ondo amaitzeko benetan garrantzitsua zen atzokoan partidu ona egitea, ondo jokatu, gol aukerak sortu, golak sartu eta batez ere partidua irabaztea. Eta hori guztia egin zuten gure mutilek. Hasiera hasieratik talde hobea ginela erakutsi genien pasaitarrei, eta konbinaketa bikainak burutuz nahiz hegaletatik erraz sartuz iristen hasi ziren gol aukerak. Partiduaren klabeak hauek izan ziren: Zelai erdian teknikoki askoz hobeak izan eta hortaz baloia zentzuz mugitu eta kalitate handiko paseak eman, hegaletatik abiaduraz min egin eta presioa goi goitik hastea. Atzean arazorik ez genuen izan, esanguratsua, Manexek lehen zati osoan bi baloi ikutu zituela. Lehen gola Kevinen erdiraketa baten ostean Goikok kontrol bikaina eta ondo definitu zuen atezainaren aurrean. Eta bigarrena Igorrek Beñaten pase bat jaso eta gero, ondo kokatu zuen baloia postearen ondo ondoan. Beraz 2 - 0 atsedenaldira.

Bigarren zatiaren hasiera antzekoa izan zen eta bigarren minutuan, Goikok bakarkako jokaldi batean ostean, gol izugarri bat sartu zuen. 3-0 eta ordu erdi aurretik... baina beti dugu zerbait. Azken partidua izanda eta golak sartzeko aukera erraza zela ikusteak jokalariak itsutu zituen. Gol aukerak sortzen jarraitu genuen baina ez joko kolektiboaren bitartez, baizik eta bakarkako jokaldiekin, bakoitzak bere gola sartu nahi zuen eta horrelakoetan ohikoena inorrek golik ez sartzea da. Aldiz taldean jokatzen jarraitu izan bagenu agian 3 edo 4 gol gehiago sartuko genituzke. Baina ez gara gogorregiak izango kontu honekin, normala bait da gola sartu nahi izatea. Partidu berezia zen eta atzokoa.

Amaitu da denboraldia beraz, denboraldi bikaina gainera. Oso helburu altua jarri genuen hasieratik, igotzea alegia, ez dugu lortu baina berdin du anbizio horrek jokalari hobeak izaten lagundu bait gaitu, helburu txikiekin konformatzen ez garen talde bat osatu dugulako eta nahiz eta helburu nagusia ez lortu, beste zerbait eskuratu dugu: Euskaldunak Infantiletan inoiz izan duen talde onena izatea.

ZORIONAK EKIPO

Euskalduna 3 Pasajes 0 PUNTUAK

Bueno, aurtengo azken partidu ofiziala izan denez eta emaitza nahiz jokoa nahiko onak izan direnez gaurkoan puntu dexente "oparituko" ditugu, taldeak maila txukuna eman bait zuen.
Hala ere, lagunarteko partiduren bat jokatzen badugu, puntuak ematen jarraituko dugu beraz, hau oraindik ez dago amaitua!!!

3 PUNTU: Goiko (Zalantzarik gabe jokalari erabakigarriena izan zen. Igoera Fasean eman duen maila aurkariak beldurtzeko modukoa izan da.)

2 PUNTU: Igor (Gola sartzeaz gain pixkanaka zelai erdian jokatzen ikasten ari da, eta hori oso garrantzitsua izango da datorren urtean taldea goraka joan dadin)

2 PUNTU: Goros (Nahiz eta golik ez sartu, denboraldi bikaina burutu du, atzoko lehen zatian nahi izan zuen guztietan alde egin zion lateral pasaitarrari)

2 PUNTU: Mikel (Detalletxo batzuk kenduta benetan partidu ona jokatu du gure kapitainak. Kadeteetan bere maila onenera iritsiko da)

PUNTU1: Iker Alkain (Denboraldia izugarri maila onean amaitu du. Gaixotasunek, lesioek, etab pakean uzten badute oso maila ona emango du berak ere kadeteekin)

PUNTU 1: Aritz eta Imanol "Zipi eta Zape" (Urte osoan bezala oso seguru atzean. 24 gol jaso ditugu 26 partidutan, bien artean 9 gol alde... 2007ko Irailean entrenatzen hasi ginenean ez ziren inor baina gogor lan egiten, 2 urtetan taldeko onenak izaten amaitu dute. ZORIONAK)

Sailkapena:

15 PUNTU: Aritz Rodriguez
14 PUNTU: Dennis Torrecilla
13 PUNTU: Mikel Goikoetxea
13 PUNTU: Andoni Alonso
13 PUNTU: Mikel Ezeiza
12 PUNTU: Beñat Arizaga
12 PUNTU: Unai Gorostidi
11 PUNTU: Iker Laskibar
11 PUNTU: Mikel Rodriguez
10 PUNTU: Iker Alkain
9 PUNTU: Sergio Garcia
9 PUNTU: Imanol Igarategi
8 PUNTU: Igor Herrero
8 PUNTU: Jokin Letamendi
7 PUNTU: Josu San Martin
7 PUNTU: Jorge Hermoso
6 PUNTU: Kevin Fondon
3 PUNTU: Asier Pajares
3 PUNTU : Aitor Jimenez
2 PUNTU: Manex Iraola
2 PUNTU: Pablo Placencia

Esan bezala hau ez da oraindik amaitu, lagunartekoren bat jokatzen badugu puntuak banatuko ditugu. Ea nork eramaten duen saria!!!

Euskalduna 3 Pasajes 0 PORRA

Badugu txapelduna!!! Azken minutuko garaipen bat izan da baina berdinketa denboraldiko azken partiduarekin hautsi egin da, irabazlea nola ez... Gorka!!! Karibera bidaia!!!

Behin betiko sailkapen nagusia beraz:

4 PUNTU:Gorka

3 PUNTU:Josune eta June

2PUNTU: Goiko, Gorkaren Ama, Josuren aita, Aritz, Iker Laskibar, Imanol , Jokinen ama, Marian eta Xabi Artano

PUNTU 1: Iker Laskibarren aitona, Jokin, Jokinen aita, Ezeizaren aita, Beñat, Beñaten ama, Iker Alkain, Iker Alkainen ama, Asier Pajaresen ama, Asier Pajaresen arreba, Unai (Imanolen anaia), Imanolen aita, Imanolen ama, Aitor, Jorge, Josu, eta Ibon (Aritzen aita)

Ilintxa 0 - Euskalduna 2

Jokoan ezer ez dagoen partidu hauetan bi gauza gerta daitezke: Taldeak tentsiorik gabe zelaira irten eta partidu aspergarri bat ikustea edo nahiz eta jokoan ezer ez izan norberak barruan duen guztia eman eta kirolariak partiduak irabazteko duen motibazio hori ateratzea.
Bietatik apur bat izan genuen atzoko partiduan. Lehenengo zatia tentsio gutxikoa izan zen, eta nahiz eta lehen aukera guk izan, atezainak bikain gelditu zuen Igorren jaurtiketa, legazpiarrek izan zuten partidua kontrolpean. Esan bezala, lehen zatia ez zen ona izan gure aldetik, baina taldeak ez zuen harrisku larriegirik pasa bere atean. Urte osoko dinamika alegia, aurrera egitea kosta baina attzean sendo agertu den taldea izan bait gara ia partidu guztietan.
Bigarren zatia bestelakoa izan zen. Baloia eskuratu, eta beste txispa batekin jokatu zuen taldeak. Lehen gola bereheala iritsi zen 2.minutuan talde jokaldi ikusgarri baten ondorioz. Sergiok baloia lapurtu, Iker Alkaini eman hegalera irekiz, honek Beñati pasa eta aurrelairak Goikori ederki utzi zion abiaduraz atzelariei alde egiteko eta Ezeizari benetan pase on bat eman eta gero, gure kañonerok legazpiarren atea txikitu zuen. Markagailua alde zutela, urdinek ereosoago jokatu eta baloia ondo mugituz gol aukerak behin eta berriz sortu zituen. Horrela, ondo eramandako kontraeraso batean, Iker Laskibarrek baloia hegalez aldatu eta Gorosek Ezeizari baloi apropos bat utzi eta gero... 0 eta 2.
Ondorioz taldeak lan on bat egin zuela esan daiteke batez ere kontutan harturik 6 taldekide falta zirela eta urte bat gutxiagoko 5 jokalarik partidu osoa jokatu zutela. Zorionak beraz egindako partiduagatik.
Asteazken hontan denboraldiko azken partidua jokatuko dugu Allurralden, ea partidua ikustera jende asko animatzen den eta joko onarekin eta gol askorekin bukatzen dugun!!

Ilintxa 0 - Euskalduna 2 PUNTUAK

Bigarren zati bikainari bakarrik errreparatuz gero, maila handia eman duten 3 jokalari nabarmendu dira: Asko pentsatu eta gero, bakoitzari hiruna puntu ematea erabaki dugu. Beraz:

3 PUNTU Beñat : Atsedenaldian sartu eta bigarren zati bikain bat jokatu du, aurrelariak egin behar duen lana benetan ondo beteaz. Golaren saria bakarrik falta izan zaio.
3 PUNTU Sergio: Bigarren zatian izaugarrizko erakustaldia eman du, baloi asko lapurtu, ondo mugitu, taldea gorantz eraman... Partidua ikusi duen baten batek asko ikasiko zuen.
3 PUNTU Ezeiza: Aspaldiko partez izan bada ere, bi kañonazo eta partidua erabaki egin du. Honetaz gain, erakustaldi fisiko bat eman du zelai erdian.

Sailkapena:

14 PUNTU: Dennis Torrecilla
14 PUNTU: Aritz Rodriguez
13 PUNTU: Andoni Alonso
13 PUNTU: Mikel Ezeiza
12 PUNTU: Beñat Arizaga
11 PUNTU: Iker Laskibar
10 PUNTU: Unai Gorostidi
10 PUNTU: Mikel Goikoetxea
9 PUNTU: Sergio Garcia
9 PUNTU: Mikel Rodriguez
9 PUNTU: Iker Alkain
8 PUNTU: Jokin Letamendi
8 PUNTU: Imanol Igarategi
7 PUNTU: Josu San Martin
7 PUNTU: Jorge Hermoso
6 PUNTU: Kevin Fondon
6 PUNTU: Igor Herrero
3 PUNTU: Asier Pajares
3 PUNTU : Aitor Jimenez
2 PUNTU: Manex Iraola
2 PUNTU: Pablo Placencia

Ilintxa 0 - Esukalduna 2 PORRA

Aste hontan emaitza asmatzea erreza izan da eta horregatik asmatzaile dexente egon da. Hori ondo dago, horrela, azken partidurako sailkapena gori gorian egongo bait da!!

Asmatzaileak: Xabi, Beñat, Imanolen ama, Josune eta June (Aritzen ama eta arreba),

Beraz sailkapena:

3 PUNTU: Gorka, Josune eta June
2PUNTU: Goiko, Gorkaren Ama, Josuren aita, Iker Laskibar, Imanol , Jokinen ama, Marian eta Xabi Artano
PUNTU 1: Iker Laskibarren aitona, Jokin, Jokinen aita, Ezeizaren aita, Beñat, Beñaten ama, Iker Alkain, Iker Alkainen ama, Asier Pajaresen ama, Asier Pajaresen arreba, Unai (Imanolen anaia), Imanolen aita, Imanolen ama, Aitor, Jorge, Josu, Aritz eta Ibon

Astezkenean dugu Igoera Faseko azken partidua eta beraz, azken porra: Jarri hemen zuen emaitzak eta ea zenek irabatzen duen!!!

ILINTXA - EUSKALDUNA

Bi partidu falta direnean denboraldia amaitzeko eta Aste Santuko oporrak pasa eta gero berriz ere lehiekatara bueltatzen gara igande honetan apirilak 26, goizeko 11,30etan Legazpiko Ilintxa taldearen aurka, Bikuña futbol zelaiean.

Aukera polita izan daiteke berriz ere garaipenen bidera bueltatzeko eta azken partiduan gertatu zen emaitza txarraz ahaztutzeko.

Aurreko asteetan hitzegin bezala taldeak denboraldi bikaina egiten ari da, eta denboraldia borobiltzeko garrantzitsua izango litzateke falta bi diren partiduak irabaztea.

Animo mutilak azken txanpan sartuak gaude eta!!!!!!!!!!!!

Porran ere berdintasun handia dago eta oraindik ez dago irabazlerik. Ea nork asmatzen duen aste hontakoa

Euskalduna 1 - Oiartzun 1 PUNTUAK

Kostata baina hemen daude partiduko puntuak:

3 PUNTU: Iker Alkain (Jokatutako minutu guztietan zehar maila on bat mantendu zuen bakarra bera izan zen)

2 PUNTU: Jorge (Lan asko izateaz gain, kontraeraso bikainak atera zituen eskuz egindako sakeekin)

PUNTU 1: Imanol (Lan asko atzekaldean, eta ia partidu osoan zehar maila ona erakutsi zuen)

Sailkapena:

14 PUNTU: Dennis Torrecilla
14 PUNTU: Aritz Rodriguez
13 PUNTU: Andoni Alonso
11 PUNTU: Iker Laskibar
10 PUNTU: Unai Gorostidi
10 PUNTU: Mikel Goikoetxea
10 PUNTU: Mikel Ezeiza
9 PUNTU: Mikel Rodriguez
9 PUNTU: Beñat Arizaga
9 PUNTU: Iker Alkain
8 PUNTU: Jokin Letamendi
8 PUNTU: Imanol Igarategi
7 PUNTU: Josu San Martin
7 PUNTU: Jorge Hermoso
6 PUNTU: Sergio Garcia
6 PUNTU: Kevin Fondon
6 PUNTU: Igor Herrero
3 PUNTU: Asier Pajares
3 PUNTU : Aitor Jimenez
2 PUNTU: Manex Iraola

Bestalde, porran Josuk bakarrik asmatu zuenez, horrela geratzen zaigu:

3 PUNTU: Gorka
2PUNTU: Goiko, Aritzen ama (Josune) Gorkaren Ama, Josuren aita, Iker Laskibar, Imanol , Jokinen ama, Marian eta June.
PUNTU 1: Iker Laskibarren aitona, Jokin, Jokinen aita, Ezeizaren aita, Beñaten ama, Iker Alkain, Iker Alkainen ama, Asier Pajaresen ama, Asier Pajaresen arreba, Unai (Imanolen anaia), Imanolen aita, Aitor, Xabi Artano, Jorge, Josu, Aritz eta Ibon

Euskalduna - Oiartzun

Hiru partidu falta dira denboraldia amaitzeko eta Aste Santua baino lehen jokatuko den azken partidua Oiartzunen aurka gure zelaian, larunbatean, goizeko 11:30tan. Han gertatu zena egun txar bat besterik ez zela izan erakutsi beharko dugu, 3 puntuak lortu eta hirugarren postua eskuratu!!!

Bestalde, askok galdetu duzue porraren irabazleak zein sari eskuratuko duen. Dagoeneko badugu saria: Kariberako bidai bat 15 egunetarako, gastu guztiak ordainduak!! Beraz animatu azken emaitzak jartzen eta ea nork irabazten duen!!!

EUSKALDUNA 2 LAZKAO 1

Azken bi partiduak galdu ostean, eta igotzeko ia aukera guztiak joan eta gero, gure taldeak burua altxa eta Lazkaoko talde sendoari aurre egin behar zion. Hamaikakoan aldaketa asko egon zen, bai sistema aldetik (2 aurrelarirekin hasi gara jolasten) eta baita jokalari aldetik ere. Orain arte gutxiago jolastu, baina astero lan ona egiten ari diren jokalariek aukera on bat izan zuten igandean gehiago jolastea merezi dutela aldarrikatzeko.

Eta hala izan zen. Nahiz eta baloia kontrolpean ez izan, taldeak bizitasun haundiagoa izan zuen hegaletatik, batez ere Gorosen regate eta Aitorren abiadurari esker. Lehen minutuan bertan eskubitik izan genuen jokaldi batean Igorrek esku eskura izan zuen lehen gola baina ez zuen asmatu. Lehen esan bezala, zelai erdian bi jokalarirekin bakarrik jokatzeak baloia bi areatan gehiago egotea eraman zuen, eta horrek partidu ikusgarriago bat izatera eraman zuen.

Hala ere, Lazkaokoak izan ziren markagailuan aurre hartu zutenak gol ikusgarri batekin, Jorgek ezin izan zuen ezer egin. Baina taldeak ez zuen burua jeitsi eta berehala berdindu zuen norgehiagoka taldeko jokaldi bikain batean. Gorosek erne, bikain lapurtu zelai erdian, aurrera egin zuen atzelari pare bat atzean utziz, eskubiko hegalera ireki zuen eta bertan Aitorrek jaurtiketa-erdiraketa bat egin eta Igorrek barrura bota zuen. Hortaz, berdinketarekin iritsi ginen atsedenaldira.

Bigarren zatian beraiek baino hobeto irten ginen, aldaketek gainera, freskotasuna eman zioten taldeari. Eta gol aukerak bata bestearen atzetik iristen hasi ziren. Iker Laskibarrek atezainarekin bakarrik huts egin zuen, Beñati gola anulatu zioten... eta orduan gertatu zen partiduko jokaldi klabea: Lazkaoko taldeak aukera paregabea zuen markagailuan berriz aurre hartzeko penalti batekin baina atezainek ere jokatzen dute eta Jorgek izugarrizko geldiketa eginez penaltia geratu egin zuen. Horrek taldea aurrera bultzatu zuen berriro ere, eta jokaldi zoragarri baten ostean, Iker Laskibarrek bikain sartu zuen gola, 2 eta 1ekoa jarriz. Aipagarri da aurten taldeak orain arte sartu dituen golen kalitatea: Ezeizaren kañonazoak, Dennisek nahi duenean sartzen dituenak, Goikok Oriokoren aurka eta igande hontan Laskibarrek sartutakoa... talde gutxik sartuko dituzte denboraldi bakarrean hainbeste golazo.

Eta aipatzeko modukoa ere, partidua bukatzear zela Jorgek eginiko geldiketa, eskuadrara zihoan jaurtiketa geratuz. Eta aipamen berezi bat egi nahi dut ditugun atezainak baloratuz. Ematen ari diren maila benetan ona da, atezain onak izatea zaila den kategoria batean. Guk izugarrizko zortea dugu, berdin duelako nor dagoen atean, beti ondo egiten dute eta puntu asko lortu ditugu aurten Manex eta Jorgeri esker. Datorren urtean asko gogoratuko gara zuetaz...

Hortaz, beste 3 puntu lortu ditugu eta laugarren postura igo gara. Datorren astean Oiartzungo taldea izango dugu aurrean eta irabazi ezkero 3.postua esku eskura izango dugu. Ea lortzen dugun!

Hamaikakoa:

Jorge, Jokin (Andoni 35.min), Aritz, Imanol, Iker Laskibar, Ezeiza, Mikel (kap.) (Sergio 45.min), Goros, Aitor (Pablo 45.min), Asier (Dennis 50.min) eta Igor (Beñat 50.min)

EUSKALDUNA 2 LAZKAO 1 PUNTUAK

Partidu amaieran esan bezala, banan bana hartuta, jokalari guztiek lan bikaina burutu zuten eta barruan zuten guztia eman zuten. Hala ere, astero bezala gutxi batzuk nabarmendu behar ditugu:



3 PUNTU: Jorge (Inoiz ez dugu izan horren zalantza gutxi 3 puntuak emateko. Partidua berdinduta zegoenean penaltia geratu du eta amaitzear zegoenean beste geldiketa bikain bat egin du taldearentzat garaipena emanez.)

2 PUNTU: Aritz (Lazkaoko taldeak eraso bikaina du eta horregatik asko iritsi dira gure areara. Aritzek gaur denboraldi hasierako maila ona berreskuratu du eta hori aipatzeko modukoa da)

PUNTU 1: Iker Laskibar (Golazo!!)

PUNTU 1: Beñat (Ederki ulertu du sistema honekin aurrelariak egin behar duen lana, bigarren gola gainera bere hanketatik atera da)

Sailkapen nagusia:

14 PUNTU: Dennis Torrecilla
14 PUNTU: Aritz Rodriguez
13 PUNTU: Andoni Alonso
11 PUNTU: Iker Laskibar
10 PUNTU: Unai Gorostidi
10 PUNTU: Mikel Goikoetxea
10 PUNTU: Mikel Ezeiza
9 PUNTU: Mikel Rodriguez
9 PUNTU: Beñat Arizaga
8 PUNTU: Jokin Letamendi
7 PUNTU: Imanol Igarategi
7 PUNTU: Josu San Martin
6 PUNTU: Iker Alkain
6 PUNTU: Sergio Garcia
6 PUNTU: Kevin Fondon
6 PUNTU: Igor Herrero
5 PUNTU: Jorge Hermoso
3 PUNTU: Asier Pajares
3 PUNTU : Aitor Jimenez
2 PUNTU: Manex Iraola
2 PUNTU: Pablo Placencia

EUSKALDUNA 2 LAZKAO 1 PORRA

Porran aste hontan asmatzaile bakarra izan dugu, Marian, Iker Laskibarren ama. Baina aste hontan oso partaide gutxi egon da. Ea datorren astean jende gehiagok parte hartzen duen!
Hala ere, liderrak sendo jarraitzen du lehen postuan.

3 PUNTU: Gorka

2PUNTU: Goiko, Aritzen ama (Josune) Gorkaren Ama, Josuren aita, Iker Laskibar, Imanol , Jokinen ama, Marian eta June.

PUNTU 1: Iker Laskibarren aitona, Jokin, Jokinen aita, Ezeizaren aita, Beñaten ama, Iker Alkain, Iker Alkainen ama, Asier Pajaresen ama, Asier Pajaresen arreba, Unai (Imanolen anaia), Imanolen aita, Aitor, Xabi Artano, Jorge, Aritz eta Ibon!

Euskalduna - Lazkao

Igande hontan goizeko 11tan Lazkaoko taldea etorriko zaigu bisitan. Helburua argia da, andoainen lortu ditugun emaitza bikainekin jarraitzea, hiru puntu lortu eta sailkapenean gora egitea. Horretarako bidea, beti bezala, joko ona izan beharko da.
Animo mutilak, azken ahalegina denboraldia amaitu baino lehen!

Aloña Mendi 2 Euskalduna 0

Orain dela urtebete elkarrizketa bat izan nuen beste entrenatzaile batzuekin. Bertan, gure taldearen egoera azaldu nien, ezin izan ginela igoera fasean sartu eta kopan partidu guztiak erraz irabazten ari ginela, alegia. Eta eztabaida sortu zuen galdera honakoa izan zen: Zer da hobea, igoera fasean gaizki ibili edo kopan onenak izatea? Partidu guztiak 5 goleko aldeaz irabaztean, badirudi taldea sendoagoa dela, igoera fasean sailkapen erdian egoteak baino. Eta horrek prestigio haundiagoa ematen omen du. Baina horrek errealitatea ezkutatzen du, eta errealitatea da aurten talde hau egiten ari den denboraldia bikaina dela, nahiz eta ez igo. Orain arte Euskaldunak Infantiletan lortu duen emaitzik onena 5. postua izan dela, eta gu, hori hobetzeko lanean ari garela. Eta ez ahaztu ere Futbol Eskolak dituzten taldeen aurka konpetitzen ari garela (gaur egun ia herri guztiek dituzte futbol eskolak guk izan ezik). Eta azkenean, emaitzak ez direla "como sea" lortzen, emaitzak lan eginez lortzen direla, hasiera-hasieratik, txiki txikitatik. Eta gure herrian Euskaldunan sartu arte futbolean ematen den formazioa lotsagarria da.

Horregatik esan genion agur igotzeko aukerari pasa den ostegunean. Talde hobeak daudelako Gipuzkoan, txikitatik formazio hobea jasotzen dute eta.

Baina partiduak beste ezaugarri bat izan zuen taldeen mailaren gainetik. Egindako beroa gehiegizkoa zen partidu bat jokatzeko. Eta pena bat izan zen, bestela izugarri partidu polita ikusiko genukeelako. Zelaiaren egoera bikaina zen, eta baloiaren jabe izan eta konbinaketak egitea gustoko dugun bi talde elkartu ginen. Baina esan bezala, beroak ez zuen ia ezer egiteko aukerarik ematen. Hala ere hori ez da aitzakia, oñatiarrak hobeak izan ziren eta Andoainen bezala (kasu horretan gure alde) bi faltek erabaki zuten partidua. Bero handiegia egiten zuen, bai, baina gure taldeko jokalari askok (gehiegik) ez zuten euren ohiko maila eman. Eta horren partidu garrantzitsuetan, hori ezinbestekoa da.

Hala ere, berriro diot, egiten ari garen lana bikaina da eta falta diren lau partiduetan ahalik eta emaitza onenak lortzen saiatuko gara, jokalari guztien artean minutuak hobe banatuz.

Agur esan diogu igotzeko aukerari baina ez dugu ahaztu behar zertarako gauden hemen, futbolean egunetik egunera hobe jolasteko eta gauza berriak ikasteko. Geratzen diren entrenamentuetan ez dugu hori ahaztu behar.

Bukatzeko, entrenatzaile eta jokalariek gure eskerrik beroenak eman nahi dizkizuegu gurasoei, urte osoan gehienbat, baina pasa den ostegunean bereziki taldearekin egon izanagatik. Taldeko jokalari guztien gurasoak partidu batera joatea talde gutxik lortuko dute, eta entrenatzaileok, futbolean daramazkigun urte guztietan ez dugu horrelakorik inoiz ikusi. Lastima garaipen batekin ez eskertu izana, baina bueno, bazkaritxoren bat egingo dugu denboraldia amaitzean.

Aloña Mendi 2 Euskalduna 0 PUNTUAK

Partidu gogor honetan maila ona erakutsi zutenak eta beroak eragin gutxien egin zienak hauek dira:

3 PUNTU: Kevin (Jarrera hau erakusten duenean taldeko onenetakoa da)

2 PUNTU: Aitor Jimenez (Extremo bezala hobe dabil, bere abiaduraz min egin zien oñatiarrei)

PUNTU 1: Beñat (20 minutu a tope jokatu eta borrokatuz, taldearentzat lan ona burutu zuen)

Sailkapen nagusia:

14 PUNTU: Dennis Torrecilla

13 PUNTU: Andoni Alonso

12 PUNTU: Aritz Rodriguez

10 PUNTU: Iker Laskibar

10 PUNTU: Unai Gorostidi

10 PUNTU: Mikel Goikoetxea
10 PUNTU: Mikel Ezeiza
9 PUNTU: Mikel Rodriguez

8 PUNTU: Jokin Letamendi

8 PUNTU: Beñat Arizaga

7 PUNTU: Imanol Igarategi

7 PUNTU: Josu San Martin

6 PUNTU: Iker Alkain

6 PUNTU: Sergio Garcia

6 PUNTU: Kevin Fondon

6 PUNTU: Igor Herrero

3 PUNTU: Asier Pajares

3 PUNTU : Aitor Jimenez

2 PUNTU: Jorge Hermoso

2 PUNTU: Manex Iraola

2 PUNTU: Pablo Placencia

Euskalduna 1 Orioko 2

Data bat asteko: 2007ko Abenduak 1. Zer gertatu zen egun hartan? Ba ordukoa dela Euskaldunako infantiletan Andoainen galdu genuen azken partidua. Kasu horretan ere liderrak etorri ziren, Bilabonakoak, jokatutako partidua ere bikaina izan zen, irabazten hasi ginen, eta arbitroaren erabaki okerrengatik galdu genuen. Kasualitate asko ezta? Ba hori ez da dena. Ze, bi partiduetan arbitroa berbera zen. Arbitratzea oso zaila da, eta pertsona guztiok bezala nahastu daitezke. Baino tipo hau ez da nahasten, denok dakigun arrazoiagatik tipo honek ezin du Euskalduna ikusi ere egin, edozein dela kategoria. Nesketan, infantiletan kadeteetan... Beti aurka, eta beti nahita. Baina lasai, tipo hau Andoainera berriz ez itzultzeko gure eskuetan dagoen guztia egingo bait dugu. Hau ez da horrela geratuko.

Futbolaz bakarrik hitz eginez gero, taldeak 10 bat merezi du. Onartu beharra dago Orioko taldea hobea dela. Horregatik egindako lehenengo zatiak are meritu geihago du. Serio, indar askorekin, eta egin behar zen jokoa eginez, taldeak Ohorezko kategoriako maila erakutsi du. Gol aukera asko izan ez baditugu ere, zelai erdiko jokoa geureganatu dugu, eta baloiaren jaun eta jabe izan gara. Horrela, Josuren izugarrizko jokaldi baten ostean Goikok bikain jarri du baloia eskuadra-eskuadran. Gol hori Bartzelonak sartu izan balu aste osoan izango genuke telebistan.
Hala ere, garaipenak lortzeko zorte punttu bat ere behar da askotan. Eta guri hori falta izan zaigu, lehen zatian behin iritsi eta gola sartu bait digute.

Bigarren zatia beraiena izan da, hori onartu behar dugu. Baina inoiz ez dugu jakingo hobeak zirelako gailendu ziren, edota epailearen erabaki guztiak gure aurka zirelako izan zen. Gainera Josuk bigarren gola sartzeko aukera izan zuen Ezeizaren kontraeraso bikain batean baina auskalo zergatik, aukera hori kendu egin ziguten. Hortik aurrera ezin izan genuen jokaldi honik egin eta amaieran denok dakiguna gertatu zen. Ondorioz partidua galdu egin genuen: 1-1.

Hauek jokatu zuten partidua:

Manex, Andoni, Aritz, Imanol, Iker Laskibar (Igor 65.min), Ezeiza, Mikel (kap.) (Goros 50.min), Sergio (Iker Alkain 45.min), Goiko, Dennis eta Josu (Beñat 45.min)

Larunbatean gertatutakoak ahaztu eta osteguneko partiduan zentratu behar gara, hori bait da garrantzitsuena. Oñatin izango da Aloña Mendiren aurka goizeko11:30tan. Partidu hori irabazten badugu bigarren postua geurea izango da. Eta azken bi partiduetan bezala jokatzen badugu garaipena lortuko dugu. Beraz harrakasta gure esku dago.

Denok bat... LORTUKO DUGU!!!

Euskalduna 1 Orioko 2 PUNTUAK

Gaurkoan puntuak eman baino lehen guztioi zoriondu nahi zaituztet egindako partiduagatik, jolastu ez duzutenoi ere, gogorra bait da entrenatzera joan eta ez jolastea... Baina lasai, lan bikaina egiten ari zarete eta. Eutsi mutilak!!

3PUNTU: Mikel Rodriguez (Urte osoan egin duen partidurik onena. Partidu guztietan intentsitate eta mentalidade horrekin atera balitz...)

2PUNTU: Mikel Ezeiza (Lehen partidua pibote bezala eta bikain ulertu du egin beharreko jokoa. Dena ondo)

PUNTU 1: Mikel Goikoetxea (Golazo apoteosico)

Sailkapena:

14 PUNTU: Dennis Torrecilla
13 PUNTU: Andoni Alonso
12 PUNTU: Aritz Rodriguez
10 PUNTU: Iker Laskibar
10 PUNTU: Unai Gorostidi
10 PUNTU: Mikel Goikoetxea

10 PUNTU: Mikel Ezeiza

9 PUNTU: Mikel Rodriguez
8 PUNTU: Jokin Letamendi
7 PUNTU: Imanol Igarategi
7 PUNTU: Beñat Arizaga
7 PUNTU: Josu San Martin
6 PUNTU: Iker Alkain
6 PUNTU: Sergio Garcia
6 PUNTU: Igor Herrero
3 PUNTU: Asier Pajares
3 PUNTU: Kevin Fondon
2 PUNTU: Jorge Hermoso
2 PUNTU: Manex Iraola
2 PUNTU: Pablo Placencia
PUNTU 1: Aitor Jimenez

EUSKALDUNA - ORIOKO

Igoera Fasea bukatzeko sei partidu besterik falta direnean, aste honetan partidu garrantzitsu bat izango dugu larunbat hontan eguerdiko 12:30etan Andoaingo Allurralde futbol zelaiean liderraren aurka, Orioko. Taldeak horrelako partiduetan kapaza da bere joko hoberena ateratzeko. Ea aste honetan ere berdin egiten duen!!!!!!!!

Lehen astean idazten genuen bezala, egoera hauetan emaitzak jokoak baino garrantzi haundiagoa du, baina emaitza positiboetara iristeko joko ona (erasoan bai, baina baita defentsan ere) beharrezkoa da.

Ea porran asmatzailerik dagoen... Hori seinale ona izan ohi da eta!!!

INTXAURRONDO 0 - EUSKALDUNA 2

Lehen astean pasa zena ahazturik, taldea gogotsu atera da gaurkoan zelaira. Argi zegoen gaurkoan puntuak zuten garrantzia baina joko ona alde batera utzi gabe, noski!!!!.
Gaurkoan taldeak bere aurpegi ona erakutsi du (gehien bat lehen zatian) eta garrantzitsua dena, puntuen presioa dagoela ere gauzak ondo egiten dakigula erakutsi dugu.
Falta diren 6 partiduak gaurkoaren oso antzekoak behar dute, eta izango dira. 5 talde puntu baten gora-beheran aurkitzen gara, eta azkenean bi taldek besterik ez dute saria lortuko.
Intxaurrondo talde horietariko bat zen eta gaurkoan argi irabazi dugu!!!!.

Lehen zatia oso gogorra izan da. Intxaurrondo taldeak oso jokalari onak ditu defentsan eta gol aukerak egitea zaila izaten oi da talde hauen aurka. Honela partiduko lehen minutuak oso parekoak izan dira, baina taldeak zelai erdia kontrolpean hartu duenean (aipatu behar, Sergio, Mikel eta Ezeizan lana) jokaldiak hegaletatik iristen hasi dira. Azpimarratu behar da Goikok eginiko lana eskubi hegalean Andoni Alvesen laguntzarekin. Baita gure aurrelari Josu, presioan eginiko lana.
Presioari esker iritsi da taldearen lehen gola. Iosuk hasiriko presio bati Goikok jarraipena eman, area barruan baloia moztu eta ederki asko sartzen du baloia sareetara.
Momentu horretatik aurrera beste bi, hiru gol aukerak izan ditugu, eta deskantsura hamar minutu falta zirela taldeak bigarren gola sartu du Dennisen bitartez astean zehar landutako korner estrategia batean.

Emaitza honekin iritsi gara atsedenaldira.

Bigarren zatia Intxaurrondoko taldeak presio handiagoa egin du, eta minutu askotan taldeak baoliaren jabetza ezin hartu ibili da. Hauek izan dira taldeko minuturik txarrenak, eta defentsan landu beharreko akats batzuk izan ditugu, baina aurkariak ez dira kapazak izan gol bat egiten eta partidu bukaera lasaia izan dugu. Aipatu behar taldean azkeneko 5 minutuak aurkarien zelaiean pasa dituela, eta hori seinale ona da....

Beraz landutado eta gogor eginiko garaipena dela esan dezakegun gaurkoa.

Partiduan parte hartu duten jokalariak :Jorge, Andoni (Jokin 55.min), Imanol, Aritz , Iker Laskibar (Pablo 58.min), Mikel (kap.), Ezeiza, Segio (Unai Goros min.50), Mikel Goikoetxea (Iker Alkain 50.min), Dennis (Asier Pajares 60.min ) eta Josu (Beñat 50.min)

INTXAURRONDO 0 - EUSKALDUNA 2 (PUNTUAK)

Gaurkoan, eta taldeak irabazten duenean gertatzen ohi den bezala zaila izaten da puntuak nori eman erabakitzea. Gaurkoan honako hauei ematea pentsatu dugu:

Puntu 1: Unai Gorostidi:Jolasturiko 20 minutuan lan handia egin du eta aurkaria behin eta berriz haserretu du (gutxinez 5 falta egin dizkio jokaldi batean!!!!!!).
Puntu 1: Mikel Ezeiza: Gaurkoak lan handia egin du eta taldeak eskertu du. Lasai, golak iritsiko dira!!!
2 Puntu: Mikel Goikoetxea: Gol garrantzitsua, eta bereak izan diran taldeko jokaldi hoberenak. Segi horrela!!!!!!!
3 Puntu: AnDoni Alves: Jolastu duen denboran gora eta behera eman du, defentsan zihurtasun haundiz eta erasoan gol aukerak sortuz... beraz, Moto GP.

Sailkapena beraz:

14 PUNTU: Dennis Torrecilla

13 PUNTU: Andoni Alonso

12 PUNTU: Aritz Rodriguez

10 PUNTU: Iker Laskibar

10 PUNTU: Unai Gorostidi

9 PUNTU: Mikel Goikoetxea

8 PUNTU: Jokin Letamendi

8 PUNTU: Mikel Ezeiza

7 PUNTU: Imanol Igarategi

7 PUNTU: Beñat Arizaga

7 PUNTU: Josu San Martin

6 PUNTU: Iker Alkain

6 PUNTU: Sergio Garcia

6 PUNTU: Mikel Rodriguez

6 PUNTU: Igor Herrero

3 PUNTU: Asier Pajares

3 PUNTU: Kevin Fondon

2 PUNTU: Jorge Hermoso

2 PUNTU: Manex Iraola

2 PUNTU: Pablo Placencia

PUNTU 1: Aitor Jimenez

INTXAURRONDO 0 - EUSKALDUNA 2 (PORRA)

Aste hontan (irabazten dugun bakoitzean bezala) asmatzaile dexente izan ditugu porran.
Aste hontako irabazleak honako hauek dira:
Gorka (dirudienez partiduak manipulatu egiten ditu, no es de fiar!!!!!!!!!!)
Jorge
Goiko
Aritzen ama
Josun aita
Pajaresen arreba
Imanolen anaia (Unai)

Hortaz sailakpen nagusia honela gelditzen da:

3 PUNTU: Gorka
2PUNTU: Goiko, Aritzen ama (Josune) Gorkaren Ama, Josuren aita, Iker Laskibar, Imanol , Jokinen ama eta June.
PUNTU 1: Iker Laskibarren aitona, Jokin, Jokinen aita, Ezeizaren aita, Beñaten ama, Iker Alkain, Iker Alkainen ama, Asier Pajaresen ama, Asier Pajaresen arreba, Unai (Imanolen anaia), Marian (Iker Laskibarren ama), Imanolen aita, Aitor, Xabi Artano, Jorge, Aritz eta Ibon!

Datorren astean ere ea asmatzaile gehiago egoten den.

Intxaurrondo - Euskalduna

Igoera Faseko bigarren itzulia larunbat hontan hasiko da eguerdiko 13:15 etan Matigoxotegi futbol zelaian. Etxetik kanpo ematen ari diren emaitza kaxkarrei buelta eman nahian eta goiko postuak alde ez egiteko asmoz irtengo dira gureak zelaira. Egoera hauetan emaitzak jokoak baino garrantzi haundiagoa du, baina emaitza positiboetara iristeko joko ona (erasoan bai, baina baita defentsan ere) beharrezkoa da.
Ea porran asmatzailerik dagoen... Hori seinale ona izan ohi da eta!!!

Pasajes 3 Euskalduna 2

Futbola ikusteko eta interpretatzeko modu asko daude, pertsona bakoitzak bere ideiak dauzka, beraz, pentsa. Askok "ganar como sea"-tik abiatuta berdin zaie taldeak egiten duen jokoa nahiz jokalarien progresioa. Beste batzuen ustez, garaipenera iristeko modu bakarra dago: ondo jokatzea. Eta garaipena diodanean ez dut esan nahi 3 puntu miserable lortzea. Garaipenak denboraldi amaieran lortzen bait dira.

Horrelako zerbait gertatu zen larunbat goizean. Bi talde zeuden aurrez aurre: batean, jokoak ez zuen importa, bi kankailu jarri aurrean eta baloiak hauei bidaltzea zen euren asmo bakarra. Bestean, taktikoki ondo antolatuta zegon talde bat ikus zitekeen. Baloia ondo jokatzen zekiena, hegaletatik sartzen zena, mugimendu onak, apoioak, landutako jokaldiak, etab zituenak. Baina bigarren talde honek galdu zuen partidua. Gureak. Eta MARCA asko irakurtzen dugun mundu honetan, emaitzak bakarrik balio duen mundu honetan... hori katastrofe bat da.

Eta ez da horrela. Baliteke jokaldi puntual batzuetan taldeari agresibidade eta kontzentrazio punttu bat falta izana eta akats horiek igoera fasean garesti ordaintzen dira. Baina gure taldeak egin behar zen partidua jokatu zuen, datorren astean ere partidu berdina egiteko asmoz irtengo gara zelaira, horrela jokatzen diren partidu gehienak irabazi egiten bait dira.

Esan bezala lehenengo minututik gure taldea baloiaren jabe egin zen eta jokaldi onak lotu zituen bata bestearen atzetik, horrela iritsi zen Imanolen gola, area kanpotik egindako jaurtiketa batean. Nahiz eta baloiaren jabe izan eta gol aukera ugari sortu ez genuen aldea areagotu, eta hori garesti ordaindu genuen 5 minututan 2 gol jasoaz. Bi gol hauetan (zuzenduko ditugun) akats larri batzu izan genituen eta Pasaitarrek ez zuten barkatu. Bigarren zatia oso antzekoa izan zen, baloiak gurea izaten jarraitzen bazuen ere, falta batean hirugarren gola sartu ziguten eta partidua oso maldan gora jarri zen. Hala ere, taldeak aukerak sortzen jarraitu zuen, Beñaten golak itxaropena eman zigun, baina nahiz eta berdintzeko edota irabazteko merituak egin, golak ez ziren iritsi eta emaitza 3-2koarekin geratu zen.

Partiduan parte hartu zutenak hauek izan ziren:

Manex, Aitor (Jokin 35.min), Imanol, Aritz (Asier 50.min), Iker Laskibar (Pablo 65.min), Mikel (kap.), Ezeiza, Dennis, Iker Alkain (Igor 50.min), Goros (Kevin 45.min ) eta Josu (Beñat 45.min)

Bukatzeko, gurasoei biziki eskertu nahi dizuet taldeari laguntzeko egiten duzuen guztia, baina batzuetan umeei lasai jolasten utzi egin behar zaie. Partidua ikusten ari garen pertsona guztiak "zu aurrera, zu atzera, zu erdira" hasiko bagina, jokalariak erotu besterik ez genituzke egingo. Eskertzen da lagundu nahia baina taldeak baditu bi entrenatzeaile, eta partiduan ematen diren egoera guztiak nahikoa ondo entrenatuta daude, eta jokalari guztiek badakite uneoro zer egin. Ez da beharrezkoa, beraz, dena zuzendu nahi hori.

Eta lerro hauek erabili nahi ditut ere eskatzeko, mesedez, jokalari baten bat hainbeste kritikatu beharrean (irainak ere entzun ditut eta hori ez dut onartzen) indar horiek taldea animatuz erabiltzeko. Guztiok eskertuko dizuegu.

Pasajes 3 Euskalduna 2 PUNTUAK

Batzuetan egin dugun bezala, aste hontan ere, puntuak emateko modua ezohikoa izango da. Taldeak minutu askotan zehar egindako joko bikainak gaurkoan puntuak beste modu batean ematera bultzatu gaitu. Lau jokalariek, bina puntu jasoko dituzte, inor ez bait zen besteak baino gehiago izan eta denek taldearen mesedetan egin zutelako lan. Beraz:

Unai Gorostidi 2 Puntu: Ezkerretik oso ondo sartu zen nahiz eta indar gutxirekin iritsi azken metroetara. Detalle tekniko ikusgarriak utzi zituen, kontroletan, regateetan...

Mikel Ezeiza 2 Puntu: Aspaldian ez bezala, taldearentzat jokatu zuen eta bere alderdi positiboenak ikusi ziren. Gol aukerarik izan ez bazuen ere, hau da jarraitu behar den bidea.

Imanol Igarategi 2 Puntu: Goletan ezer gutxi egin zezakeen. ia partidu osoan seguru agertu zen atzekaldean eta gola bikaina izan zen.

Beñat Arizaga 2 Puntu: Bizitasuna eman zion taldeari bere golak. Behar zuen gainera, igoera faseko lehen gola izan bait zen. Hala ere ez da azkenekoa izango.

Beraz sailkapena horrela dugu:

14 PUNTU: Dennis Torrecilla
12 PUNTU: Aritz Rodriguez
10 PUNTU: Iker Laskibar
10 PUNTU: Andoni Alonso
9 PUNTU: Unai Gorostidi
8 PUNTU: Jokin Letamendi
7 PUNTU: Imanol Igarategi
7 PUNTU: Mikel Ezeiza
7 PUNTU: Beñat Arizaga
7 PUNTU: Mikel Goikoetxea
7 PUNTU: Josu San Martin
6 PUNTU: Iker Alkain
6 PUNTU: Sergio Garcia
6 PUNTU: Mikel Rodriguez
6 PUNTU: Igor Herrero
3 PUNTU: Asier Pajares
3 PUNTU: Kevin Fondon
2 PUNTU: Jorge Hermoso
2 PUNTU: Manex Iraola
2 PUNTU: Pablo Placencia
PUNTU 1: Aitor Jimenez

Pasajes Vs Euskalduna

Inauterietako atsedenaldia eta gero, lehen itzuliko azken partidua iritsi da. Pasaiako Don Bosco futbol zelaian izango da larunbat hontan goizeko 10:00tan. Guztiak bezala, honakoa ere partidu zail bezain garrantzitsua izango da.
Ea taldeak bere mailarik onena ematen duen!
Eta ea, porran asmatzaile berririk dugun!

ASTEARTEAN BADAGO ENTRENAMENTUA!!!

Atzo, kaleko giroan, asteartean entrenamenturik egongo ez zela esaten aritu ginen arren, gaur bertan esan didate asteazken arratsaldean futbol eskolarreko partiduak egongo direla eta beraz, ez dakit egun hortan entrenatu ahal izango dugunik. Beraz gauzak horrela geratzen dira:

Asteartean entrenamendua normal, 5:30tan. Eta bertan erabakiko dugu denon artean asteazkenean entrenatu ala ez.

Ondo pasa geratzen dira inauteri apurrak

Euskalduna 3 - Ilintxa 1

Asteartean esan genuen bezala, orain arte taldea ondo ari zen lanean, aurreko astekoa despiste bat izan zen eta parentesi bat itxi behar zela argi geratu zen, Oiartzungo partidua baino lehenagoko mailari eutsi behar geniola, alegia. Eta, agian, hori lortu izana da gaurkoan jaso dezakegun gauzarik positiboena. Emaitza oso ondo dago, golak ikusgarriak izan dira eta sortu ditugun gol aukera mordoa ere aipatzeko moduko gauzak dira. Baina garrantzitsuena futbolean, une txarrak azkar pasatzea eta onak ahalik eta luzeenak izatea da eta hori lan eginez lortzen da.

Partiduari gogor ekin diogu, lehenengo minutuetan 2 jaurtiketa zutoinetara botaz, bai Mikelek eta baita Iker Alkainek ez dute zorterik izan, baina laster jarri dugu markagailua gure alde. Sergiok eta Dennisek pareta polit bat bota eta urnietarrak baloia eskuadran jarri du, ikusgarria benetan. Esanguratsua ere, taldeak gola sartu eta gero erritmo bera mantendu duela eta gol aukerak sortuz jarraitu duela. Lekua ondo mantendu, presionatu behar zenean atzelariei arazoak sortu eta gol aukerak bata bestearen atzetik iritsi dira. Aipatutako presio horretan baloia zelai erditik aurrera berreskuratu, Dennisek sakonean Josuri eman, honek abiaduraz bikain eraman eta baselina eder batekin Ilintxakoen atezaina gainditu egin du. Beste golazo bat.

Baina Ilintxakoak Igoera Fasean zerbaitegatik daude ere indar eta altuera asko dute gainera, eta horrek zelai erdian sendotasuna eman die lehen zatiko azken 15 minutuetan. Horrela, jaurtiketa geldiezin batean 2-1ekoa jarri dute. Emaitza horrekin atsedenaldira joan garelarik.

Bigarren zatian oso indartsu sartu gara, hasi eta berehala Iker Alkainek sakonean pase eder bat eman dio Dennis-i eta honek ez du barkatu, 3-1. Hortik aurrera hasi dira gure minutu onenak, Legazpiarrak etsita zeuden eta gureek jokaldi onak egin dituzte hegaletatik. Bigarren zatian sartu diren 6 aldaketek ere freskotasuna eta bizitasuna eman diote taldeari eta saiatu bagara ere, ez izan dugu markagailua aldatu. Hori izan daiteke agian taldeari leporatu dakiokeen gauza bakarra. Gaurkoa 5 edo 6 gol sartzeko partidua zela. Hori da hobetu behar duguna.

Patirduko hamaikakoa:

Jorge, Andoni ( Aitor 50.min), Aritz, Imanol, Iker Laskibar (Pablo 60.min), Sergio (Goros 45.min), Mikel (kap.), Ezeiza (Jokin 55.min), Iker Alkain(Goiko 45.min), Dennis eta Josu (Igor 45.min)

Ea aurreko asteko lezioa ondo ikasita dugun, ea asteartean nola entrentatzen dugun...

P.D.: Kevin, Beñat, atzo parranda asko ala? Etxeko partiduak ez ikusteko aitzakiarik ez genuke izan behar, nahiz eta ez jolastu.